SHIRONGWA 44

Vilika navintje kuhafita Jehova ndi?

PLAY

Jehova ana shana tu hafere liparu nakukara navilika pavirugho vimwe. Ngoli vilika navintje kumuhafita ndi? Weni tu negheda ashi twa hora Jehova mumatokoro ghetu kuhamena vilika?

1. Morwanke shingi shavilika vya piranga kuhafita Jehova?

Kuvhura ngavi kutetukite pakuyiva ashi Bibeli kapi yakwatitako shingi shavilika ntani kwa tunda kuvapagani. Vilika ovyo vimwe kwa kukwatakana namaukarelikarunga ghavipempa. Vyavyo kwa kukwatakana nampepo dadidona ndi lighano ashi muntu kuparuka muruku rwamfa dendi. Vilika vimwe kwa kukwatakana naumpure ndi kupura mwakarunga walirago. (Jesaja 65:11) Jehova kurondora vakareli vendi ashi: ‘Kukarerenu ntani mwasha kwata kwevi vyakunyata.’—2 Korinte 6:17. a

2. Weni Jehova a kuyuvhanga kuhamena vilika ovyo vya yererepekango nakutapa mfumwa yapiro kuwapera vantu?

Jehova a turondora tu pire kuwera mushiraha sha “kuhuguvara mumuntu.” (Varura Jeremia 17:5.) Vilika vimwe kutapa mfumwa kuvapangeli ndi vakavita. Ngoli vimwe, kwa kara vyamarembe ndi vyalimanguruko lyashirongo. (1 Johannes 5:21) Vamwe kudana vilika vyaupolitika ndi vyambunga dapeke. Weni Jehova a kuyuvha ntjene tu tape lifumadeko olyo lyamuwapero kwa muntu ndi kumbunga yangandi, shinenepo oyo yayititango po maghano ogho ghakulimbo nashitambo shendi?

3. Virughana munke vi renkito shilika a pire kushitambura Jehova?

Bibeli yashweneka “makurunwa, vipito vyavidona namarumbatano ghakunwa.” (1 Petrus 4:3) Vilika vimwe, vantu kurughana momo vana horere nakurughana vyarushonda. Pakurenka ashi tu kare vaholi vaJehova, twa hepa kukuporako kuvininke ovyo vyakunyata.

TEDA KO

Kenga omo u hafita Jehova pakutura po matokoro ghamawa kuhamena mapwiyumuko navilika.

4. Shwenena po vilika vyakushwaukita Jehova

Varura Efesi 5:10, makura timwitirenu mapuro ghano:

Vinke tu yivilita pamuhovo ntjeneshi kutukuhameka mushilika sha ngandi ndi hawe?
Vilika munke vyayiviko oko wa tunga?
Una kughayara vilika ovyo kuhafita Jehova ndi?

Pashihonenito, wakupura ashi nke Karunga a ghayaranga ko kuhamena vipito vyamashampuruko ndi? Bibeli kapi ya twenya rumwe kuhamena mukareli waJehova a danino shipito shalishampuruko, ngoli ya twenya kuhamena vantu vaviri va vi rughanino ovo kava pirango kumukarera. Varura Genesis 40:20-22 ntani Matheus 14:6-10. Makura timwitirenu mapuro ghano:

Makufano munke gha karo po pakashi kavipito vino vyalishampuruko?
Kukuwa navishoroka vino vyamuBibeli, weni una kughayara Karunga a kuyuvhanga kuhamena vipito vyalishampuruko?

Ngoli kuvhura u kupure ashi, ‘Jehova shiri kuvi pakera shinka ntjene ani kuhameke mushipito vyalishampuruko ndi vilika vyapeke vyakulimbo naBibeli ndi?’ Varura Exodus 32:1-8. Ntani kengera VIDIYO, makura timwitirenu mapuro ghano.

VIDIYO: Vilika navipito vya pirango kuhafita Karunga (5:07)

Morwanke tu yivilitira ashi vini a tamburanga Jehova?
Weni tu vi rughana?

Omo u yiva ntjene ashi shipito ndi shilika kapi sha hafitanga Jehova

Sha kulimba namashongo ghamuBibeli ndi? Una hepa kukona-kona ntundiliro yosho shipito mposhi u vi yive.
Sha tapa mfumwa yawapero Jehova kumuntu, kwa kehe mbunga ndi shiyivito sha yimaneno po muhoko wangandi ndi? Atwe kutapa mfumwa kwa Jehova kupita navintje ntani twa huguvara ashi mpantjendi tii wakughupa po maudito naghantje ghamuudjuni.
Ovyo va rughananga pashilika osho vyakulimba nampango damuBibeli ndi? Virughana vyetu vina hepa kukara vyakukushuka.

5. Vatera vapeke va fumadeke lipuliro lyoye

Udito kushwena ntjene vapeke kuna kukutininika u kuhameke muvilika vyapirango kuhafita Jehova. Va fatulire litokoro lyoye munkedi yayiwa nalikudidimiko. Mukumona shihonenito omo u vi rughana, kengera VIDIYO

VIDIYO: Faturura nawa lipuliro lyoye munkedi yayiwa (2:01)

Varura Matheus 7:12, makura timwitirenu mapuro ghano:

Kukuwa navelise yino, hepero kutantera valikoro lyoye ashi va shagheke kudana shipito shangandi ndi?
Vinke u vhura kurughana u yivite valikoro lyoye ashi wavahora ntani vavo mulyo koye mpiri momo una kupira kukuhameka mo mushipito shavo?

6. Jehova ana shana tu hafe

Jehova ana shana tu hafere kumwe navalikoro ntani vaholi vetu. Varura Muuditi 8:15, makura timwitirenu lipuro lino:

Weni velise yino ya neghedanga ashi Jehova ana shana tu hafe?

Jehova ana shana vantu vendi va hafe ntani nakuhafera kukara kumwe. Kengera VIDIYO u kenge omo va hafanga kuvigongi vyetu vyavinene.

VIDIYO: Negheda nkalito yakutambura vagenda kuvigongi vyavinene (5:40)

Varura Galati 6:10, makura timwitirenu mapuro ghano:

Hepero tu kuhameke muvilika vya yiviko mukunegheda ashi kuna kurughanena vapeke “uwa” ndi?
Kutapa munke kukuyitiro ruhafo rwarunene, kutapa morwa una hepa kutapa pashilika ndi kutapa morwa mbyo una shana kurughana?
Shingi shaMbangi daJehova pavirugho vimwe kurenkera vana vavo vipito nakuva pa maushwi va va hafite. Ntjene ashi wa kara na vana, vininke munke vyaviwa u vhura kuvarughanena?

• Weni u mu limburura?

VAMWE KUGHAMBA ASHI: “Ntundiliro yashilika shangandi kapi ya kara namulyo. Vyamulyo po, ntjene kuna kuhafera kukara nalikoro ntani vaholi.”

LIKAMO

Jehova ana shana tu hafere kukara kumwe navalikoro ntani vaholi. Ngoli ana shana tu shwenene po vilika ndi vipito vya pirango kumuhafita.

Livyukuruko

Mapuro munke tu kupura tu yive ntjeneshi shilika shangandi kapi sha hafitanga Jehova?
Weni tu vatera valikoro ntani vaholi vetu va kwate lighano matokoro ghetu kuhamena vilika?
Weni una yiva ashi Jehova ana shana tu hafe ntani tu kuhafite?

Liyuva namana shirongwa shino:

Shitambo u kutulirapo

Rughanita ovyo una kushongo mushirongwa shino u kona-konite ko vilika vya yiviko mumukunda woye.

Vitambo vimweya:

Your other goal