SHIRONGWA 47
Una kuwapaikire kuwana liyoghero ndi?
Mulikushongo lyoye lyaBibeli, wa yakushonga vyavingi kuhamena Jehova. Ove walye wa tura po marunduruko pakutura pashirughana evi wakushonga. Ene ngoli, walye mpovili vimwe vina kukurenkito u pire kukutapa naumoye kwaJehova nakuwana liyoghero. Shirongwa shino kushikayoghera kuhamena vilimbikito vya konderango vantu mukupira kuwana liyoghero nomo u vi funda po.
1. Liyivo lyakuhura pani wa hepa kumeho u wane liyoghero?
Mukuwana liyoghero, una hepa kukara “naliyivo lyaushiri.” (1 Timotheus 2:4) Evi kapi vina kutanta ngoli ashi una hepa kuyiva malimbururo naghantje ghamuBibeli kumeho u wane liyoghero. Mpiri Vakriste va wano liyoghero kare-kare shimpe kutwikira kukushonga. (Kolose 1:9, 10) Ngoli wa hepa kukwata lighano evi yashonganga Bibeli. Vakuronambunga ngava kuvatera u mone ntjene una kara nauyivi wakugwanena po.
2. Vininke munke vimwe u rughana kumeho u wane liyoghero?
Kumeho u wane liyoghero, una hepa ‘kukushighura nakuvyuka kwaKarunga.’ (Varura Virughana 3:19.) Evi kutanta ashi, u kuvere ngudu ndjo doye edi wa tura nakushungida Jehova a ku ghupire po. Una hepa kushwenena po virughana vyavidona ntani kuparuka munkedi oyo ya hafitango Karunga. Ntani nka una hepa kutameka kuyenda kumapongo nakuyuvhita kumwe nambungakriste.
3. Morwanke u pilira kupulitira woma u kukondere?
Vamwe kukara nawoma ashi kapi ngava tikitamo evi va twenyidira Jehova. Ushiri, kuvhura ngau kupuke pavirugho vimwe yira vakafumu navakamali va valimburukwi va twenya muBibeli. Ngoli Jehova kapi a taterera nga vakareli vendi va tikilire mo. (Varura Pisalme 103:13, 14.) Uye kuhafa ntjene au rughana mpopo wa hulira ntani nga kuvatera vi kutompoke. Mbyovyoshi Jehova mwene a tu twenyidira ashi navimweshi “vyakutughupa mo mushihoro [shendi].”—Varura Roma 8:38, 39.
TEDA KO
Kenga omo u funda po vilimbikito vina kukukondero mukuwana liyoghero pakuyiva Jehova mwamunene nakutambura livatero lyendi.
4. Muyive Jehova mwamunene
Vyakuhura kuni una hepa kuyiva kuhamena Jehova kumeho u wane liyoghero? Una hepa kumuyiva nawa u mu hore nakushana kumuhafita. Kengera VIDIYO u mone omo va vi rughana vashongwa vaBibeli udjuni nauntje. Makura timwitirenu lipuro lino.
-
Muvidiyo, nke vya vatero vamwe va kuwapaikire liyoghero?
Varura Roma 12:2, makura timwitirenu mapuro ghano:
-
Una kara namatamangero kuhamena ovyo ya shonganga Bibeli ndi ntjeneshi Mbangi daJehova kushonga ushiri ndi?
-
Ntjene ashi mo, nke u rughana ko?
5. Funda po vilimbikito vyakukukondera mukuwana liyoghero
Opo twa tokoranga kukutapa naumwetu kwaJehova nakuwana liyoghero, natuvantje ku kugwanekera namaudito. Mukumona shihonenito, kengera VIDIYO, makura timwitirenu mapuro ghano.
-
Muvidiyo, vilimbikito munke a hepire kufunda po Narangerel mposhi a karere Jehova?
-
Weni kuhora Jehova kwa mu vatilire a funde po vilimbikito?
Varura Vishegho 29:25 ntani 2 Timotheus 1:7, makura timwitirenu lipuro lino:
-
Vinke vi tu vatero tu shimapare mposhi tu funde po vikimbikito?
6. Huguvara mulivatero lyaJehova
Jehova nga kuvatera u mu hafite. Kengera VIDIYO, makura timwitirenu mapuro ghano.
-
Muvidiyo, nke vya renkitiro mushongwa waBibeli vi mu kondere kuwana liyoghero?
-
Nke a kushongire ovyo vya mu vateliro a nkondopeke lihuguvaro lyendi mwaJehova?
Varura Jesaja 41:10, 13, makura timwitirenu lipuro lino:
-
Morwanke u vi pulira nawa-nawa ashi kuvhura u tikitemo ovyo u twenyidira Jehova pakukutapa?
7. Kara narupandu rwarunene kushihoro shaJehova
Ntjene au ghayara unene kuhamena omo a kuhora Jehova, ove ngau kara narupandu rwarunene nakushana kumukarera naruntje. Varura Pisalme 40:5, makura timwitirenu lipuro lino:
-
Matungiko munke gha kutunda kwaJehova wa hafera po ngudu?
Muporofete Jeremia a holire Jehova nankango dendi ntani a hafilire unene kushitumbukira sha kutanterako vapeke lidina lyaJehova. Uye kwa ghambireshi: “Jehova Karunga, nkango doye kuywida mushima wande naruhafo, ame kundjitita lidina lyoye.” (Jeremia 15:16) Limburura mapuro ghano:
-
Morwanke shina karere shitumbukira shahinene kukara umwe waMbangi daJehova?
-
Una shana nove kuwana liyoghero nakukara umwe waMbangi daJehova ndi?
-
Mpovili vina kukukondero mukuvirughana ndi?
-
Vinke una kughayara wa hepa kurughana mposhi u tikite mo shitambo shakuwana liyoghero?
VAMWE KUGHAMBA ASHI: “Ame kapi nakushihuguvara ashi ngani vhura kutikita mo ovyo ngani twenyidira pakuwana liyoghero.”
-
Nove mo wakuyuvhanga ndi?
LIKAMO
Nalivatero lyaJehova, ngau funda po ovyo vi kulimbikito kuwana liyoghero.
Livyukuruko
-
Vyakuhura kuni vyamuBibeli una hepa kuyiva kumeho u wane liyoghero?
-
Marunduruko munke una hepa kutura po kumeho u wane liyoghero?
-
Morwanke u pilira kupulitira woma u kukondere mukuwana liyoghero?
YIVAKO VYAVINGI
Kona-kona konda yevi u tokwera kuwana liyoghero.
“Ono liwapaikire kugwana ekuho ndi?” (Ruhungu, Nsinano 2020)
Kushonge omo u funda po vilimbikito ovyo vi vhuro kukukondera mukuwana liyoghero.
“Yinke hena nayi limba po kukuhwa nge?” (Ruhungu, Nsinano 2019)
Kenga omo murume umwe vyamutompokire kufunda po vilimbikito vyavinene vya mukondiliro kuwana liyoghero.
Pamuhovo, murume wa lidina Ataa kwa kukata-katire kuwana liyoghero. Kenga ovyo vyamurenkitiro a pure ashi ana hepa kuwana liyoghero.
