SHIRONGWA 53
Tovorora vikuhafito vya hafitango Jehova
Jehova ne “Karunga waruhafo.” (1 Timotheus 1:11) Ana tu shanene tu hafe ntani nakuhafera liparu. Uye kuhafa opo twa turanga po shirugho shakupwiyumuka nakuhafera. Mushirongwa shino kutukakenga omo tu rughanita shirugho shetu shakupwiyumuka munkedi yayiwa yakuhafera ntani ya kuhafita Jehova.
1. Vinke tu vhuruka pakutovorora vikuhafito?
Vinke wa hora kurughana pakupwiyumuka nakukuhafita? Vamwe kupwiyumukira pamundi nakuvarura mbapira, kutegherera kudimusika, kukengera muvi ndi kukenga vininke kuintanet. Vamwe kuhafera vininke kumwe navaholi vavo yira kukayendaura, kukashana mumema ndi kukadana maudano ghakukushuva-shuva. Vikare ashi vinke twa hora kurughana mukukuhafita, tuna hepa kuyivilita ashi vyavyo “kuhafita Hompa.” (Efesi 5:10) Mulyo unene tu vi kwate lighano vino mbyovyoshi shingi shavininke va tovororanga vantu va kengere ndi kutegherera kwa hamena mo vininke a pira kuhora Jehova yira nyanya, rushonda ndi umpure. (Varura Pisalme 11:5.) Vinke vi tu vatero tu tovorore nawa vikuhafito vyetu?
Ntjene tu tovorore vaholi ovo va horo Jehova, ngava tu kundama munaruwa nomo twa tovororanga vikuhafito vyetu. Yira momo twa kushongire mushirongwa pita ashi, “kara ukwavo navandunge ngau kare wandunge.” Ngoli ntjene atu karanga kehe pano navantu va piro kuhora mpango daKarunga ngatu “hanauka po.”—Vishegho 13:20.
2. Nke vya karera mulyo tu pangere ruvede twa rughanitanga kuvikuhafito?
Nampili vikare ashi vikuhafito ovyo twa tovorora viwa, shimpe tuna hepa kutakamita mukupira kurughanita shirugho shashingi unene kuvikuhafito ovyo. Mbyovyoshi ndi kapi ngatu wana ruvede rwa kugwanena po rwa kurughana vininke vyamulyo. Bibeli kutukorangeda ashi, “rughanitenu nawa shirugho shenu.”—Varura Efesi 5:15, 16.
TEDA KO
Kushonge omo u tura po matokoro ghamawa kuhamena vikuhafito.
3. Shwenena po vikuhafito vyavidona
Kengera VIDIYO, makura timwitirenu mapuro ghano.
-
Weni maudano ghaVaroma va kare gha kufana namaudano gha ntantani?
-
Muvidiyio, vinke ana kushongo Danny kuhamena vikuhafito?
Varura Varoma 12:9, makura timwitirenu lipuro lino:
-
Weni velise yino yikuvatera mposhi u tovorore vikuhafito vyauhunga?
Vininke munke vimwe a nyenga Jehova? Varura Vishegho 6:16, 17 ntani Galati 5:19-21. Pakumana kuvarura kehe litjangwa, timwitirenu lipuro lino:
-
Vininke munke vana twenya muvelise dino u wana muvikuhafito vya ntantani?
Rughanita nawa ruvede roye
Kupure naumoye ashi:
-
Vinke? Mwa hamena mo vininke a nyenga Jehova ndi?
-
Ruvede? Vya mananga ruvede oro u rughanita kuvininke vyamulyo ndi?
-
Are? Ngavi ndenkita ni karange navantu va piro kuhora Jehova ndi?
Vyawapa kukupora ko kuvininke vya shiponga. Mbyo vya karera mulyo kukupora ko kuvikuhafito vya vidona
4. Rughanita nawa ruvede roye
Kengera VIDIYO, makura timwitirenu lipuro lino.
-
Monanyokweturume muvidiyo kapi ana kengere vininke vyavidona, enengoli nke udito wendi?
Varura Filipi 1:10, makura timwitirenu lipuro lino:
-
Weni velise yino yi tu vatera tu tokore ashi ruvede rwakuhura kuni tu rughanita muvikuhafito?
5. Tovorora vikuhafito vyaviwa
Mpili ngoli vikuhafito vimwe vya piranga kuhafita Jehova, ngoli pa kara vininke vyavingi ovyo tu hafera nakumuhafita. Varura Muuditi 8:15 ntani Filipi 4:8, makura timwitirenu lipuro lino:
-
Vikuhafito munke vyaviwa wa haferanga?
Ove kuvhura u hafere vikuhafito vyaviwa
VAMWE KUGHAMBA ASHI: “Vikuhafito ovyo vya hameno mo nyanya, rushonda ndi umpure kapi vya kara lipuko, ntjene tupu kapi nakurughana vininke ovyo.”
-
Weni u mu limburura?
LIKAMO
Jehova ana tu shanene tu tovorore nakuhafera vikuhafito vyaviwa.
Livyukuruko
-
Vikuhafito munke va shwenena po Vakriste?
-
Morwanke tu takamitira kuhamena ruvede oro twa rughanitanga kuvikuhafito?
-
Morwanke una shanene kutovorora vikuhafito ovyo vya hafitango Jehova?
YIVAKO VYAVINGI
Kushonge ashi are a wapero kututovorwera po vikuhafito vyetu.
“Mbangi daJehova va shweneka muvi, mbapira ntani ngaro dimwe ndi?” (Shirongwa kuinternet)
Kona-kona omo u tura po matokoro ghamawa kuhamena vikuhafito vyoye.
“Yilihafeso yoge kukuretera uwa ndi?” (Ruhungu, Sikukutu 15, 2011)
Kenga ovyo vyarenkitiro murume umwe a rundurure vikuhafito vyendi mushishorokwa ashi: “Ame na gusa po malitondororo aga na kere nago.”
“Bibeli kurundurura maparu govantu” (Ruhungu, Nsinano 1, 2010)
Kenga omo nyokwa a tura po matokoro ghamawa kuhamena vikuhafito vya hameno mo umpure.
