SHIRONGWA 55
Vatera mbungakriste yenu
Muudjuni nauntje, mamiliyona ghavantu kukarera Jehova naruhafo mumbungakriste dadingi. Vavo kupandura kumashongo namavyukito va wananga ntani kwa hora kuvatera mbungakriste munkedi dakukushuva-shuva. Nove mo wa kuyuvhanga kuhamena mbungakriste yenu ndi?
1. Munkedi munke dimwe u rughanita ruvede nankondo doye mukuvatera mbungakriste?
Natuvantje kuvhura kuvatera mumbungakriste. Pashihonenito, mwa kara vakurupe nava vakuvera mumbungakriste yenu ndi? Kuvhura u va vatere va yende kumapongo ndi? Ndi kuvhura u va vatere munkedi dapeke, yira vakutume u kava ghulire vininke vana hepa ndi u va vatera navirughana vyapamundi? (Varura Jakobus 1:27.) Kuvhura tu kudjambere tu vatere kukenita nakuwapukurura Shinyanga shaUhompa. Kwato wa kututininika tu rughane vininke vino. Shihoro shakuhora Karunga navanavanyokwetu ntjo ngashi tu tumangedo tu ‘kutape [naumwetu] namushima nauntje.’—Pisalme 110:3.
Ovo va wano liyoghero kuvhura kuvatera mbungakriste munkedi dakukushuva-shuva. Vanavanyokweturume ovo va kuro pampepo kuvhura va kare vakwafimbunga ntani muruku kuvhura kuyakara vakuronambunga. Vanavanyokwetu navantje kuvhura va kwatiteko unene shirughana shakuyuvhita pakukara vapioneer. Vamwe kuvhura va vatere kukadika mavango ghaukareli ndi pakudirukira kumavango ghapeke oko mbungakriste dina hepa mbatero.
2. Weni tu rughanita viweka vyetu mukuvatera mbungakriste?
Atwe kuvhura tu “fumadeke Jehova pakumupa ndjambo ya vininke vyaviwa po.” (Vishegho 3:9) Atwe kukuyuvha mfumwa opo twa tapanga shiringa ndi viweka vyapeke mukuvatera mbungakriste ntani shirughana shakuyuvhita udjuni nauntje. (Varura 2 Korinte 9:7.) Ovyo twa tapanga kuvatera ovo va pitango muviponga. Vamwe kutovorora “kupungura ko vintu” kehe pano mposhi va tape. (Varura 1 Korinte 16:2.) Kuvhura tu tape pakutura shiringa muvimbangu kuShinyanga shaUhompa ndi pakurughanita intanet ku-donate.pr418.com. Jehova kutupa mpito tu mu neghede ashi twa mu hora munkedi omo twa tokoranga kurughanita viweka vyetu.
TEDA KO
Kona-kona nkedi dimwe omo u vhura kuvatera mbungakriste.
3. Kuvhura tu rughanite viweka vyetu
Jehova naJesus va hora ovo va tapango nashihoro. Pashihonenito, Jesus a monine mufitavya wamuhepwe ogho a tapiro tungcengcere. Varura Lukas 21:1-4, makura timwitirenu mapuro ghano:
-
Hepero tu tape maliva ghamangi mukuhafita Jehova ndi?
-
Weni Jehova naJesus va kuyuvhanga opo twa tapanga namushima nauntje?
Mukuyiva omo vitapa vyetu va vi rughanitanga, kengera VIDIYO. Makura timwitirenu lipuro lino.
-
Weni vitapa va vi rughanitanga mukuvatera mbungakriste udjuni nauntje?
4. Kuvhura tu kudjambere tu kavatere
Mushirugho shamuBibeli, vakareli vaJehova va kalire naupampi mushirughana shakuwapeka mavango ghaukareli. Ngoli kapi vya hamenine mo kutapa tupu shiringa mpantja ko. Varura 2 Kronieke 34:9-11, makura timwitirenu lipuro lino:
-
Weni kehe Muisraeli a vatelire mukutakamita ndjugho yaJehova ndi livango lyaukareli?
Mukumona omo Mbangi daJehova va kwamanga shihonenito shinya shakare, kengera VIDIYO. Makura timwitirenu mapuro ghano.
-
Nke vya karera mulyo kukenita nakuwapeka Vinyanga vyetu vyaUhompa?
-
Nkedi munke dimwe u vhura kuvatera?
5. Vanavanyokweturume kuvhura va kondjere vitumbukira mumbungakriste
Matjangwa kukorangeda Vakriste vavarume va kondjere mukurughana mpopo va hulira va vatere mbungakriste. Mukumona shihonenito, kengera VIDIYO. Makura limburura mapuro ghano.
-
Muvidiyo, weni Ryan ana kondjere mukuvatera mbungakriste mwamunene?
Bibeli ya negheda ovyo va hepa vanavanyokweturume va wapere kukara vakwafimbunga ndi vakuronambunga. Varura 1 Timotheus 3:1-13, makura timwitirenu mapuro ghano:
UMWE KUVHURA A KUPURE ASHI: “Kuni Mbangi daJehova va wananga vimaliva va tikite mo ovyo va rughananga?”
-
Weni u mu limburura?
LIKAMO
Jehova kuhafera nakupandura ngudu kulikuturomo lyetu lyakuvatera mbungakriste pakurughanita ruvede, nkondo ntani viweka vyetu.
Livyukuruko
-
Weni tu rughanita ruvede ntani nkondo detu mukuvatera mbungakriste?
-
Weni tu rughanita viweka vyetu mukuvatera mbungakriste?
-
Munkedi munke dimwe una horo kuvatera mbungakriste?
YIVAKO VYAVINGI
Kona-kona ovyo Karunga a piranga kushungidanga nka vantu va tape vighumurongo ndi tithe.
“Nke ya ghamba ko Bibeli kuhamena kutapa vighumurongo ndi tithe?” (Shirongwa kuinternet)
Kushonge ashi nke vya tanta “kukondjera” vitumbukira mumbungakriste.
“Kwata egano upangeli ou va kara nawo vakuronambunga mombungakriste” (Ruhungu, Murongankuru 2021)
Kenga vaMbangi vamwe vakushimapara ovo va kudjambero unene va twarere vimbapiratjangwa vapuli vaunyavo.
Kona-kona omo vimaliva va vi rughanitanga muvirughana vyetu mukukushuva nambunga dapeke damaukarelikarunga.
“Kuni Mbangi daJehova va wananga vimaliva va rughanitanga muvirughana vyavo?” (Shirongwa kuinternet)
