SHIRONGWA 48
Tovorora nawa vaholi voye
Vaholi vetu vavanene kutuhafita pavirugho vyaviwa nakutuvatera pavirugho vyaudito. Ngoli Bibeli kuturondora ashi kapishi navantje vaholi vavawa. Weni ngoli u tovorora vaholi vavawa? Kona-kona mapuro ghana kukwamo ko.
1. Weni vaholi u tovorora va kukundama?
Atwe kwa hora kukara yira mbovo twa karanga navo. Vikare ashi kuselfon (social media) ndi kehe rupe twa karauranga navo, kuvhura kutukundama mwamuwa ndi mwamudona. Bibeli ya ghamba ashi, “ogho a karango navantu vandunge nga kara wandunge, ngoli ogho a karango navagova [ndi ovo va piro kuhora Jehova] nga kugwanekera naudona.” (Vishegho 13:20) Vaholi ovo vahoro Jehova nakumukarera ngava kuvatera u kare pepi naye ntani u ture po matokoro ghamawa. Ngoli kukara navaholi vavanene va piro kuhora Jehova ngava kurenkita u tunde ko kwendi. Mbyo ngoli Bibeli yakorangederanga tu tovorore nawa vaholi vetu! Ntjene tu kara navaholi va horo Karunga, natwe navo nga tu wanena mo uwa. Atwe nga tu twikira “kukukorangeda-korangeda nakukunkondopeka-nkondopeka.”—1 Tesalonika 5:11.
2. Weni vaholi wa tovorora va kundama Jehova?
Jehova kutovorora nawa vaholi vendi. “Uye kukara uholi waunene navahungami.” (Vishegho 3:32) Weni nga kuyuvha Jehova ntjene atu tovorora vaholi va piro kumuhora? Uye nga guva shiri unene! (Varura Jakobus 4:4.) Ngoli, Jehova nga hafa unene ntani nga tu tovorora tu kare vaholi vendi ntjene atu shwenene po vaholi vavadona nakukara pepi naye ntani pepi novo vamuhoro.—Pisalme 15:1-4.
TEDA KO
Kona-kona ovyo litokoro lyakutovorora vaholi lyakarera namulyo unene ntani omo u tulita po vaholi ovo ngava kuyitiro uwa muliparu.
3. Takamita vaholi vavadona
Vaholi vavadona kuna kara vantu va piro kuhora Karunga nampango dendi. Kengera VIDIYO, makura timwitirenu mapuro ghano.
-
Weni u kara navaholi vavadona wahana kuviyivira?
Varura 1 Korinte 15:33, makura timwitirenu mapuro ghano:
-
Vantu munke va karo vaholi vavadona koye? Morwanke?
Varura Pisalme 119:63, makura timwitirenu lipuro lino:
-
Vikara munke u kenga muvaholi?
Shiapera shimwe shakughora kuvhura kudjonaura viapera vyakuhupako. Weni muholi umwe tupu wamudona a vhura kukukundama?
4. Vantu ovo vakushuvo natwe kuvhura va kare vaholi vetu vavanene
Bibeli ya shingonona kuhamena varume vaviri vaVaisrael va kare David naJonatan. Mwaka namaukaro ghavo ghakushuvire ngoli va kalire vaholi vavanene. Varura 1 Samuel 18:1, makura timwitirenu lipuro lino:
-
Morwanke vaholi vetu va pilira kukara tupu ashi vamwaka nantundiliro yakukufana natwe?
Varura Roma 1:11, 12, makura timwitirenu lipuro lino:
-
Weni vaholi ovo vahoro Jehova vakukorangeda- korangeda?
Muvidiyo yino, kenga monanyokwetu wamudinkantu a wanine vaholi oko a pilire kuyivira ashi nko a va wanena. Kengera VIDIYO, makura timwitirenu mapuro ghano.
-
Muvidiyo, morwanke vakondi vaAkil va kalire nashinka kuhamena vaholi vendi vakushure?
-
Vinke vyamurenkitiro a hore vaholi ovo?
-
Weni a vhulire kufunda po mukuma?
5. Weni u tulita po vaholi vavawa
Kona-kona omo u wana vaholi vavawa nomo u kara nove muholi wamuwa. Kengera VIDIYO.
Varura Vishegho 18:24 ntani 27:17, makura timwitirenu mapuro ghano:
-
Weni vaholi vashiri vakuvatera-vateranga?
-
Wa kara navaholi va ngoli ndi? Ntjeneshi kwato, weni u tulita po vaholi va ngoli?
Varura Filipi 2:4, makura timwitirenu lipuro lino:
-
Mukukara navaholi vavawa nkwandi natwe tu kare vaholi vavawa. Weni u vi rughana?
Mukukara navaholi vavawa nkwandi nove u kare muholi wamuwa
VAMWE KUGHAMBA ASHI: “Hasha kutulita po uholi nakehe uno mulivango lyakupira muholi.”
-
Weni u mu limburura?
LIKAMO
Ntjene atu tovorora nawa vaholi vetu, ngatu hafita Jehova nakuwanena mo uwa.
Livyukuruko
-
Morwanke Jehova a karera nashinka kuhamena vaholi twa tovororanga?
-
Vaholi munke tu shwenena po?
-
Weni u tunga po uholi waunene navantu vauhunga?
YIVAKO VYAVINGI
Kenga omo vaholi vavawa va vhura kutuvatera pavirugho vyaudito.
“Tunga po ukaume wokupama komeho u wize uhura” (Ruhungu, Mangundu 2019)
Kona-kona vininke vimwe u rughana mposhi u wane vaholi vavawa nakukara muholi wamuwa.
“How Can I Make Good Friends?” (Young People Ask, Volume 1, chapter 8)
Nke una hepa kuyiva kuhamena vaholi vakuintanet?
Mushishorokwa ashi “Kwa here ni kare naguhya,” kenga ovyo vya renkitiro murume umwe a kona-kone vaholi ovo a tovorwire.
“Bibeli kurundurura maparu govantu” (Ruhungu, Kudumogona—Pembagona, 2012)
