Opo a tu shitire Jehova, a tu pire ushwi wauwa wakughamba. Vyavyo mulyo kwendi omo twa rughanitanga ushwi ogho ndi? Nhi mulyo! (Varura Jakobus 1:26.) Weni ngoli omo tu ghamba munkedi oyo yihafito Jehova?

1. Weni tu rughanita ushwi wakughamba munkedi yayiwa?

Bibeli kututantera ashi, “twikirenu kukukorangeda-korangeda nakukunkondopeka-nkondopeka.” (1 Tesalonika 5:11) Kuvhura u ghayare ko vamwe vana hepo likorangedo ndi? Nke u rughana ko mposhi va kuyuvhe ko hasha? Va tantere ashi vavo mulyo koye. Ndi walye kuvhura u va tantere ovyo wa hora kuvahamena. Kuvhura u ghayare ko litjangwa olyo likorangedo umwe wa yiva ndi? Matjangwa mangi pogho u vhura kutovorora. Vhuruka ashi munkedi omo u ghamba kuvhura kukorangeda vapeke mwamunene. Mpongolishi, ghamba munkedi yayiwa naughomoki kehe pano.—Vishegho 15:1.

2. Ngambito ya weni tu shwenena po?

Bibeli kughamba ashi: “Mutunwa twenu mwa sha rupuka nkango dakunyata.” (Varura Efesi 4:29.) Evi kutanta ashi tuna hepa kushwenena po nkango dakutuka, dakushwaura ndi dadidona odo di tjutjupito vapeke. Tuna hepa nka kushwenena po ushoti ntani nakutanta vipempa kuhamena vapeke.—Varura Vishegho 16:28.

3. Vinke vi tu vatero tu ghambe munkedi oyo yi korangedo vapeke?

Ovyo twa ghambanga kunegheda ovyo vya karo mumushima wetu ntani omo twa ghayaranga. (Lukas 6:45) Mpo ngoli tu kuyombilitira naumwetu kughayara vininke vyaviwa vyauhunga, vyakukushuka, vyashihoro ntani nevi va pandadekanga. (Filipi 4:8) Mukukara namaghayaro ogho, tuna hepa ngoli kutovorora nawa vikuhafito vyetu navaholi vetu. (Vishegho 13:20) Vyavyo kuvatera nka ntjeneshi atu ghayara kumeho yakughamba. Ghayadara ko nka omo vapeke va kuyuvha kuhamena ovyo u ghamba. Bibeli kughamba ashi: “Nkango da hana kughayadara ko kutwa yira rufuro, ngoli nkango dandunge kuverura.”—Vishegho 12:18.

 TEDA KO

4. Takamita omo wa ghambanga

Pavirugho vimwe atwe kughamba vininke ovyo twa kuveranga muruku. (Jakobus 3:2) Varura Galati 5:22, 23, makura timwitirenu lipuro lino:

• Vikara munke pavikara vino u shungida kwaJehova vi kuvatero u takamite ngambito yoye? Weni vikara vino vi kuvatera?

Varura 1 Korinte 15:33, makura timwitirenu lipuro lino:

• Weni vaholi navikuhafito wa tovorora vi vhura kukundama omo wa ghambanga?

Varura Muuditi 3:1, 7, makura timwitirenu lipuro lino:

• Shirugho munke walye u vhura kumwena ndi u taterere ruvede rwaruwa rwakughamba?

 5. Ghamba vyaviwa kuhamena vapeke

6. Ghambita vamulipata lyoye munkedi yayiwa

 LIKAMO

Ovyo twa ghambanga kuvhura vi vatere ndi vi tjutjupite vapeke. Tuna hepa kughayadara ko nawa kuhamena ovyo tu ghamba, ruvede tu vi ghamba ntani nomo tu vi ghamba.

Livyukuruko

• Nkedi munke dimwe u rughanita ngambito yoye u vatera vapeke?

• Ngambito munke una shana kushwenena po?

• Vinke vi tu vatero kehe pano tu kare nambiri ntani nakughamba vyakutunga vapeke?