Opo twa karanga kumwe navanavanyokwetu, atwe kukuyuvha yira Hompa David ashi: “Eeh! Omo tupu vya wapa nakutovara pakumona vantu vaKarunga kumwe yira vantu namunyendi!” (Pisalme 133:1) Uumwe kapi wa ya nga po tupu pa wene. Kehe umwe wetu kurughana ko shintu mukuurenka u kare po.

1. Vinke vya tetukitango kuhamena vantu vaKarunga?

Ntjene au yendi kumapongo kumukunda wapeke, mpiri kapi ngau yuvha liraka lyavo ngoli ngau kuyuvha ashi vana kutambura ntani vakuhora. Morwanke? Mbyovyoshi atwe kukushonga Bibeli pakurughanita vimbapiratjangwa vyakukufana. Ntani atwe kukondja kukunegheda-negheda shihoro. Vi kare ashi kuni twa tunga, natuvantje “kukugha lidina Jehova nakumukarera muumwe.”—Sefania 3:9.

2. Nke u rughana ko nove u renke pa kare uumwe?

“Kuhora-horenu unene kutundilira kumushima.” (1 Petrus 1:22) Weni u tura pashirughana lipukururo lino? Mulivango lyakudemenena kumapuko ghavaunyoye, demenena kuvikara vyavo vyaviwa. Kapishi kukara tupu uholi novo va horo ovyo twa hora, ngoli shetekera ko kuyiva vanavanyokwetu vakuntundiliro dakukushuva-shuva. Tuna hepa nka kurughana unene tu ghupe mo mumushima makuyuvho ghalikutondoro.—Varura 1 Petrus 2:17. a

3. Nke u rughana ntjene ashi muna kugarapere namonanyokwetu wapeke?

Atwe kwa kara muumwe ngoli kapi twa tikilira mo. Pavirugho vimwe kuvhura tu kugarapita-garapite ndi tu kutjutjupita-tjutjupite. Mpo ngoli, nkango daKarunga ku tu tantera ashi: “Twikirenu. . . kukughupira-ghupira po,” ntani ashi: “Nanwe muna hepa kughupira po namushima naghuntje yira momo a mu ghupira po Jehova.” (Varura Kolose 3:13.) Atwe kukolita Jehova vikando vyavingi ngoli uye kutughupira po. Makura uye kutaterera ko kwetu natwe tu ghupire po vanavanyokwetu. Ntjene ashi wa tjutjupita wapeke, rughana ko shintu mukukoshonona po udito ogho.—Varura Matheus 5:23, 24. b

 TEDA KO

4. Funda po likutondoro

Atwe tuna shana kuhora vanavanyokwetu navantje. Ngoli kuvhura vi tu ditopere kutambura muntu ogho a kushuvo natwe. Vinke vi tu vatero? Varura Virughana 10:34, 35, makura timwitirenu mapuro ghano:

• Jehova kutambura vantu vantundiliro kehe yino va kare Mbangi dendi. Weni u mu honena munkedi omo wa kenganga vantu vantundiliro yapeke?

• Likutondoro munke lya karo mumukunda wenu olyo una horo kushwenena po?

Varura 2 Korinte 6:11-13, makura timwitirenu lipuro lino:

• Weni una kughayara u shuwenena pepi nakuhora vanavanyokwetu vantundiliro dakukushuva-shuva?

5. Kukughupira po kutundilira kumushima nakukupa mpora

Jehova kutughupira po namushima naghuntje mpiri momo vya pira kukara hepero tumu ghupire po. Varura Pisalme 86:5, makura timwitirenu mapuro ghano:

• Nke litjangwa lina kunegheda ovyo a rughananga Jehova?

• Morwanke una karere narupandu kwevi Jehova a tu ghupiranga po?

• Maukaro munke ghamwe gha tu ditopero kukara muumwe nakutulita po mpora navavapeke?

Weni tu honena Jehova nakukara muumwe navanavanyokwetu? Varura Vishegho 19:11, makura timwitirenu lipuro lino:

• Nke u rughana ntjene ashi umwe ana kugarapita?

 Pavirugho vimwe atwe kugarapita vapeke. Ntjene ashi mbyo vina shoroko, vinke tu rughana ko? Kengera VIDIYO, makura timwitirenu lipuro lino.

• Muvidiyo, nke ana rughana monanyokwetukadi a tulite po mpora?

 LIKAMO

Kuvhura u vatere kurenka mbungakriste yi kare muumwe pakughupira po ntani kunegheda shihoro kuvanavanyokwetu navantje.

Livyukuruko

• Weni u funda po likutondoro?

• Nke u rughana ntjene kapi una kukuyuvha naMukriste unyoye?

• Nke una horere kuhonena shihonenito shaJehova shakughupira po vapeke?