SHIRONGWA 02
Bibeli kutupa lihuguvaro
Weno muudjuni, vantu kuna kukugwanekera namaudito ghamangi ghana kuvaguvito nakuvayitira shinka nakukora. Nove kuna kukugwanekera naudito ndi? Walye kuna kuyuva tjutju morwa ghuna kara nauvera ndi walye ghumwe wa hora a dohoroka. Kuvhura u kupure ashi: ‘Liparu ngali wapa tupu ndi?’ Bibeli, ya tapa lilimbururo olyo tu vhura kuhuguvara.
1. Lihuguvaro munke lya kumeho ya tapa Bibeli?
Bibeli ya tapa konda ovyo muudjuni muna vhukire maudito ntani kututantera mbudi yayiwa ashi Karunga ntaantani ngaka ghupepo maudito naghantje ghano. Matwenyidiro ghamuBibeli ‘kutupa meho yayiwa nalihuguvaro.’ (Varura Jeremiya 29:11, 12.) Matwenyidiro ogho kutuvatera tu kudidimikire maudito nakukara naruhafo weno nalihuguvaro lyameho yayiwa yaruhafo rwanaruntje.
2. Nke ya ghamba ko Bibeli omo liparu ngali ka fana kumeho?
Bibeli kwa ghamba ashi: “Mfa kapi ngadi kara ko, naruguwo shi, namalirankali nakukora kapi ngavi kara ko nka.” (Varura Lishorwero 21:4.) Maudito ghana kuturenkito tu pire kuhafera liparu weno yira ruhepo, maudona, mauvera namfa kapi nga gha ka kara ko nka. Bibeli ya twenyidira ashi vantu ngava ka hafera liparu naruntje muParadisa palivhu.
3. Weni omo ghu kara naushiri ashi matwenyidiro ghamuBibeli ngagha katika mo?
Shingi shavantu kutaterera ovyo vava twenyidira, ngoli kukara namatamaghero ntjeneshi ngavi vhura kutika mo. Ngoli, matwenyidiro ghamuBibeli ghakushuva. Atwe kuvhura tu huguvare ovyo ya ghamba Bibeli ‘pakukona-kona nawa Matjangwa.’ (Virughana 17:11) Apa ngau kona-kona Bibeli panaumoye, ngau vhura ngoli kutokora nangeshi ngau pura ovyo ya ghamba Bibeli kuhamena meho.
TEDA KO
Kona-kona maukaro ghamwe ogho ya twenyidira Bibeli kuhamena meho. Kenga omo lihuguvaro lyamuBibeli lina kuvatera vantu.
4. Bibeli ya twenyidira ashi ngatu paruka naruntje pahana maudito
Kenga matwenyidiro ghamuBibeli ghana kukwamo ko. Pamatwenyidiro ghano, ghani ghuna hafere po ntani morwanke?
Varura matjangwa ghana karo po makura timwitirenu mapuro ghano:
-
Weni ghuna kughayara, matjangwa ghano kuvhura gha kuvatere ndi? Vakaliro navaholi voye, kuvhura navo va wanenemo uwa mumatjangwa ogho ndi?
Ghayadara tupu kuparuka muudjuni omo
|
NAGHUMWESHI . . . |
KEHE GHUNO NGAKA . . . |
|---|---|
|
|
|
|
|
|
|
|
|
|
5. Matwenyidiro ghamuBibeli kurundurura liparu
Maudito vana kumona nakupita vantu vavangi kuna kuvadompita mutjima nakuvagarapita. Vamwe kushetekerako mpaapa va hulira mukuwapukurura vininke. Kenga omo matwenyidiro ghamuBibeli gha vatera vantu pakuyiva ashi vininke ngavi wapa kumeho. Kengera VIDIYO makura timwitirenu mapuro ghana kukwamoko.
-
Muvidiyo oyo, maudona munke a guvitiro Rafika?
-
Mpili momu a pilire kushaya maudito, ngoli weni Bibeli ya mu vatilire?
Ntjene atu huguvara mumatwenyidiro ghamuBibeli kuhamena meho, vyavyo ngavi tu vatera tu pire kudompa mutjima ntani ngatu kara naruhafo mpili mumaudito. Varura Vishegho 17:22 ntani Roma 12:12, makura timwitirenu mapuro ghano:
-
Ntjene ghu huguvare ovyo ya ghamba Bibeli kuhamena meho, ngavi kuvatera muliparu weno ndi? Morwanke ghuna ku ghambera ngoli?
VAMWE KUGHAMBA ASHI: “Evi ya ghamba Bibeli kuhamena meho udito kuvipura ashi ngavi shoroka.”
-
Morwanke vya karera namulyo ghu kona-kone maumbangi panaumoye?
LIKAMO
Bibeli kwa kara namatwenyidiro ghamangi kuhamena liparu lyaruhafo kumeho. Evi kutupa lihuguvaro nakutuvatera tu kudidimikire maudito weno.
Livyukuruko
-
Morwanke vantu va hepera kuyiva matwenyidiro ghaKarunga?
-
Nke ya ghambako Bibeli kuhamena meho?
-
Weni vi kuvatera weno, pakukara nalihuguvaro kuhamena meho?
YIVAKO VYAVINGI
Yivako vyavingi omu lihuguvaro lya kara namulyo.
Kakona-kone omo matwenyidiro ghakumeho gha vatera ovo vakaro nauvera wakupira kuveruka.
“Kuparuka nauvera wakupira kuveruka—Weni yi ku vatera Bibeli?” (Shirongwa kuIntanet)
Apa ghu kengera vidiyo yamusika, kughayare ashi nove nalipata lyoye kuna kuhafera liparu muParadisa olyo va twenyidira muBibeli.
Varura shishorokwa shaghumwe ogho a kutuliromo mukurwa mposhi a kondjere kuwapukurura mparukito yavantu, makura kenga omo liparu lyendi lya runduruka opo a kushongire kuhamena lihuguvaro lyakumeho.
“Kapi na kukuyuvha nka ashi na hepa kurundurura udjuni” (The Watchtower, July 1, 2013)
