Udona kwa valikire opo Satana a kongire. Satana pamutango kwa kalire muengeli wamuwa, ngoli ‘kapi a kalire muushiri.’ (Johannes 8:44) Ghuye kwa shanine ashi vantu va mu rughanene yira Karunga. Satana kwa kongire Eva mukumushongaura a pire kulimburukwa kwaKarunga. Adam naye a kwatitire ko Eva. Litokoro lyaAdam kwa yita ruhepo namfa.​—Varura Genesis 3:1-6, 19.

Satana kwa rwanitire upangeli waKarunga opo a shongawire Eva a pire kulimburukwa Karunga. Vantu vavangi kuna kukwatitako Satana mukurwanita upangeli waKarunga. Weno Satana ndje “mupangeli waudjuni.”​—Varura Johannes 14:30; 1 Johannes 5:19.

Navintje ovyo a rughananga Karunga ne viwa. Vantu navaengeli ovo a shitire Karunga kwa va shitire murupe rwakumulimburukwa. (Deuteronomi 32:4, 5) Karunga kwa tu shitire naumanguruki wakuvhura kutokora ovyo tu rughana. Umanguruki ogho kutupa mpito tu neghede shihoro shetu kwaKarunga.​—Varura Jakobus 1:13-15; 1 Johannes 5:3.

Kutundilira muEden, Jehova kwa pulitira vantu va twikire kurwanita upangeli wendi. Morwanke? Mukunegheda vantu ashi vavo nakuvatompokashi kukupangera vavene. (Muuditi 7:29; 8:9) Weno pana piti mwaka 6 000 odo vapangera vantu, ngoli kapi  vyava tompoka mukushayikita po vita, ukorokotji, udona ndi mahamba.​—Varura Jeremia 10:23; Varoma 9:17.

Mukukushuva namapangero ghavantu, upangeli waKarunga ngau yitira vantu ovo va ghu tamburango mauwa. (Jesaja 48:17, 18) Ntaantani Jehova nga ya ghupe po mapangero ghavantu. Ovo va tamburo Karunga a kare mupangeli wavo mbo ngava tungo pano palivhu.—Jesaja 11:9.​—Varura Daniel 2:44.

Satana kwa ghambire ashi vantu kukarera Jehova mbyovyoshi mauwa ogho vawananga. Ove kuvhura ghuneghede ashi Satana munavipempa. Likudidimikiro lyaKarunga kwa tupa mpito mukunegheda ntjene tuna shana Karunga a tupangere ndi vantu. Atwe kunegheda litokoro lyetu mumparukito yetu.​—Varura Job 1:8-12; Vishegho 27:11.

Pakurughana kukuwa novyo vya karo muNkango daKarunga, Bibeli. (Johannes 4:23) Yira Jesus, atwe kapi twa kuhamekanga muupolitika namuvita.​—Varura Johannes 17:14.

Satana kurughanita nkondo dendi mukushongaura vantu va rughane vyavidona ntani vyakunyata. Vaholi vetu navakaliro kuvhura vatushepe ndi vatushwaghure ntjene kapi tuna kukuhameka muvininke ovyo. (1 Petrus 4:3, 4) Ngoli, tuna hepa kutokora. Ngatu tura po uholi navantu ovo va horo Karunga ndi? Ngatu tegherera kudimuragho dendi ndi? Ntjene ngatu vi rughane, Satana nga rengwa morwa kwa ghambire ashi atwe vantu nakuvhurashi kulimburukwa Karunga ntjene mumaudito.​—Varura 1 Kolinte 6:9, 10; 15:33.

Morwa Karunga a hora vantu, vino kutupa lihuguvaro ashi ngaya ghupa po udona naruhepo. Ovo va puro mwendi ngava ka hafera monyo wanaruntje pano palivhu.​—Varura Johannes 3:16.