Karunga ana shanene vantu va hafere liparu palivhu. Ghuye kwa shitire livhu nanavintje vya karopo, morwa kwa hora vantu. Ntaantani tupu Karunga nga ka wapukurure udjuni pakukaghupa po vininke ovyo vya yititango po ruhepo.​—Varura Jeremia 29:11.

Kwato lipangero lya vhuro kughupa po ukorokotji, uvera ndi mfa. Ngoli pana kara mbudi yayiwa. Ntaantani tupu Karunga nga ka ghupe po mapangero ghavantu nakutura po lipangero lyendi. Vantu ngava ka hafera mpora naukanguki wauwa.​—Varura Jesaja 25:8; 33:24: Daniel 2:44.

Ruhepo ngaru shaghapo tupu, opo nga ka ghupa po Karunga vantu vavadona. (Sefania 2:3) Ruvede munke ngavi shoroka? Nkango daKarunga kwa pumba maukaro ogho ana kutjilito vantu weno. Vishorokwa vino kuna kunegheda ashi Karunga ntaantani nga ruwaneko vintu.​—Varura 2 Timotheus 3:1-5.

Tuna hepa kukushonga kuhamena Karunga muNkango dendi Bibeli. Yayo kuna kara yira ntjangwatumwa yakutunda kwashetu washihoro. Yayo kututantera omo tu vhura kuhafa weno ntani omo ngatu ka hafera liparu lyanaruntje kumeho pano palivhu. Vamwe kapi va vihafera kukumona ashi kuna kukushonga Bibeli. Yino kuna kara mpito yayiwa mukukawana liparu lyaliwa lyanaruntje.​—Varura Vishegho 29:25: Lishorwero 14:6, 7.