SHIRONGWA 7
Vinke Untungi ndi Uhompa waKarunga?
1. Nke Untungi ndi Uhompa waKarunga?
Morwanke Jesus a wapera kukara Hompa?—MARKUS 1:40-42.
Kuna kara lipangero lyaKarunga lyamuwiru. Lipangero olyo ngali ya upapo mapangero naghantje nakuyatikita mo kupanga kwaKarunga palivhu yira muliwiru. Mbudi yino yaUhompa waKarunga yiwa ngudu. Uhompa waKarunga ndyo lipangero eli ngava hafera vantu. Lipangero olyo ngali ka yita vantu kumwe.—Varura Daniel 2:44; Matheus 6:9, 10; 24:14.
Jehova kwa tura Monendi, Jesus Kristus a kare Hompa waUhompa wendi.—Varura Lishorwero 11:15.
Kengera Vidiyo Vinke Untungi ndi Uhompa waKarunga?
2. Morwanke Jesus a wapera kukara Hompa?
Jesus kwa wapera kukara Hompa morwa ghuye nkenda ntani kwa hora kurughana vyauhunga. (Matheus 11:28-30) A kara nankondo dakuvatera vantu morwa nga ka pangera kutundilira muliwiru. Opo va mu vhumbwire, ghuye kwa vyukire muliwiru a ka shingira kurulyo rwaJehova a ka taterere. (Heberi 10:12, 13) Muruku, Karunga a tapa nkondo kwaJesus dakupangera.—Varura Daniel 7:13, 14.
3. Vare ngava kapangero naJesus?
Mbunga yavapongoki ndi “vantu vaKarunga wamuliwiru.” (Daniel 7:27) Vapostoli vaJesus vavalimburukwi mbo va hovire kuhorowora. Jehova kuna kutwikira shimpe kuhorowora vakafumu navakamali vavalimburukwi. Yira Jesus, vavo kuvavhumbwira muliwiru namarutu ghapampepo.—Varura Johannes 14:1-3; 1 Korinte 15:42-44.
Vantu vangashi ngava yendo muliwiru? Jesus kuvatwenya ashi “mbungaghona.” (Lukas 12:32) Shivaro shavo ngashi tika pa 144 000. Ngava ka pangera livhu nalintje kumwe naJesus.—Varura Lishorwero 14:1.
4. Vinke vya shorokiro opo a tamikire Jesus kupangera?
Uhompa waKarunga kwa tamikire kupangera mu 1914. * Jesus pamuhovo kwa tjidire Satana navaengeli vendi vavadona muliwiru. Satana kwa kwa mu gandilire palivhu oku no ghuye ana kara naugara waunene mpo a tamekire kuyita maudito palivhu. (Lishorwero 12:7-10, 12) Kutunda opo, vantu kwa kugwanekera namaudito ghamangi. Yira vita, marumbu, mahamba nakukinka kwalivhu vino kuna kara “shiyivito” ashi ntaantani Uhompa waKarunga ngau ya upepo maudito palivhu.—Varura Lukas 21:7, 10, 11, 31.
5. Vinke una kutikita mo Uhompa waKarunga?
Kupitira mushirughana shakuyuvita udjuni mudima, Uhompa waKarunga kuna kuyita kumwe vantu vamarudi naghantje. Vantu vavangi kuna kutambura Jesus a kare Hompa wavo. Uhompa waKarunga ngau ka va popera palidjonauko lyaudjuni uno waudona. Ovo vana shano kukawanena mo mauwa muUhompa waKarunga vana hepa kukushonga kulimburukwa Jesus.—Varura Lishorwero 7:9, 14, 16, 17.
Uhompa ngau ka tikita mo shitambo shaKarunga kuvantu ure wamwaka 1 000. Livhu nalintje ngali kakara paradisa. Muruku, Jesus nga ka tapa Uhompa kuVashe. (1 Korinte 15:24-26) Are una shana kutantera ko kuhamena Uhompa waKarunga?—Varura Pisalme 37:10, 11, 29.
^ par. 6 Kumaukenu ghamweya omo ya pumbire Bibeli mwaka wa 1914, kenga palipenuno 216-219 mumbapira Yisinke azi rongo Bibeli?
