SHIRONGWA 5
Shitambo munke Karunga a shitilire livhu?
1. Morwanke Karunga a shitilire livhu?
Jehova kwa shitire livhu a ture po vantu. Ano vaengeli kwava shitire va kare muliwiru. (Job 38:4, 7) Opo a shitire muntu wakuhova, kwa mu tulire mushipata shaEden. (Genesis 2:15-17) Jehova kwa pire Adam naruvharo rwendi mpito yakuparuka palivhu naruntje.—Varura Pisalme 37:29; 115:16.
Pamuhovo, paradisa kwa kalire tupu kavaghovona mushipata shaEdeni. Adam naEva va hepire kukuvara vaywide livhu nalintje. Ntani va hepire nka kuwapaika livhu nalintje likare paradisa. (Genesis 1:28) Livhu kapi ngava li djonaghura po, ngali karerera naruntje nakutunga po vantu.—Varura Pisalme 104:5.
Kengera Vidiyo Shitambo munke Karunga a shitilire livhu?
2. Morwanke livhu lina pilire kukara paradisa?
Adam naEva kwa djonine kwaKarunga, mpo ava tjidire mo mushipata shaEden. Va kombanitire paradisa ntani kwato muntu vya tompoka mukuyivyutira po. Bibeli kutanta ashi: “Livhu kwalitapa mumavoko ghavantu vavadona.”—Job 9:24.—Varura Genesis 3:23, 24.
Jehova a vhurama shitambo shendi kuvantu ndi? Hawe! Ghuye munankondo nadintje. Kwato vyakumuvhura. (Jesaja 45:18) Shitambo shendi kuvantu ngashi katikamo.—Varura Pisalme 37:11, 34.
3. Weni omo ngava kavyutira po Paradisa?
Paradisa ngava kayivyutira po opo nga ka pangera Jesus palivhu. Muvita vyaKarunga, Jesus nga pititira vaengeli nakudjonaura po nkore daKarunga. Makura Jesus ngaka tura Satana mumango mwaka 1 000. Vantu vaKarunga ngava ka paruka vita ovyo morwa Jesus nga kava pititira nakuvapopera. Vavo ngava ka hafera liparu lyanaruntje muParadisa palivhu.—Varura Lishorwero 20:1-3; 21:3, 4.
4. Ruvede munke ngaru shagha po ruhepo?
Ruvede munke nga ka shayikita po Karunga ruhepo palivhu? Jesus kwa tapire “shiyivito” osho shina kuneghedo ashi uhura pepi. Vishorokwa vyantaantani kuna kutjilita vantu ntani kunegheda ashi atwe kuna kuparuka ‘pauhura waudjuni.’—Varura Matheus 24:3, 7-14, 21, 22.
Mulipangero lyaJesus lyamwaka 1 000, nga ka ghupa po ruhepo. (Jesaja 9:6, 7; 11:9) Jesus nga ka kara nka Mupristeli wamunene ogho ngaka dongonono po ndjo dovo va horo Karunga. Mpongoli, Karunga nga ka rughanita Jesus mukukaghupa po mauvera, ukurupe namfa.—Varura Jesaja 25:8; 33:24.
5. Vare ngava katungo muParadisa?
Mumapongero ghaMbangi daJehova ngau kawana vantu ovo vahoro Karunga nakukushonga omo vamurughanena
Vantu vakulimburukwa Karunga mbo ngava katungo muParadisa. (1 Johannes 2:17) Jesus kwa tumine vakwami vendi mukukashana vantu vakukudidipita nakuvashonga omo varughanena Karunga. Jehova kuna kushonga vantu vavangi ngava kawapere kukakara muParadisa palivhu. (Sefania 2:3) Mumapongero ghaMbangi daJehova, vantu kuvashonga omo vakara vasha navanturaghumbo navanyokwa navagholikadi vavawa. Vanuke navakurona kukushonga kumwe omo vawanena mo uwa mumbudi yayiwa.—Varura Miga 4:1-4.
