“Karunga nga ka kokota maruntjodi naghantje kumantjo ghavo, mfa kapi ngadi kara ko nka, naruguwo namalirankali shi nakukora kapi ngavi ka kara po nka.”—Lihororo 21:3, 4.

Kutuneyeda ashi Karunga kapishi ndje a yitango po maudito ghetu.—Jakopo 1:13.

Kutushengawida pakuyiva ashi Karunga kutupakera shinka. —Sakaliya 2:8.

Kutupa lihuguvaro ashi ruhepo ngaru shagha po.—Pisarome 37:9-11.

Tu kenge konda mbiri:

• Karunga a nyenga ruhepo naudona. Ghayadara ko omo Jehova Karunga a kuyuvire opo vantu vendi vapakare kava va hepekanga. Bibeli kuneyeda ashi Jehova ka feranga nkenda vantu vendi morwa ‘kava va hepekanga.’—Vapanguli 2:18.

  Karunga a nyenga unene ovo va hepekango vaghunyavo. Bibeli kughamba ashi Karunga a nyenga ‘maghoko gha kudipagha vantu va hana ndjo.’—Visewe 6:16-19.

• Karunga kutupakera shinka. Jehova kutukorangeda tu mu pe vinka vyetu, ‘morwa ghuye kutupakera shinka.’—1 Peturusa 5:7.

  Karunga nga ka shayikita po maruhepo naghatje ghavantu kupitira muUtungi wendi. (Matheus 6:9, 10) Karunga kuna kushengawida ovo va mu shanango kutundilira kumushima.—Viruwana 17:27; 2 Vakolinte 1:3, 4.