A hii goontapu oloku e poli omen sani. Ai tyai omen pen gi sama efuso e meke omen sama e pina. Meke u luku san nyunsu e taki fu a sani ya.

•   Enke fa nyunsu e soi da aini den 28 yali di pasa sama moo lasi libi aini a yali 2022. Gaanse fu den sama ya dede aini den oloku di be de aini Etiyopiya anga Ukrainikondee.​—Peace Research Institute Oslo, 7 yuni 2023

•   A feti aini Ukrainikondee a wan fu den feti di be booko aini a yali 2022. Aini a yali di pasa, den ogii di sama be du fu politiki ede be kon moo ipi anga sowan 27 procent a hii goontapu. A wan sani fu 1.7 milyard sama be fii a bakapisi fu a sani ya.​— The Armed Conflict Location & Event Data Project (ACLED), 8 februari 2023.

 Ma a Beibel e gi u taanga-sikin. Ai taki ‘a Gadu fu hemel o sete wan kownukondee di sama ná o poi puu a pasi’ (Daniel 2:44) Te a kownukondee ya o tii da Gadu ‘o tyai wan kaba kon a feti na ala se fu goontapu’​—Psalm 46:9.