A fosi biifi gi den Korentesama 16:1-24
16 Now mio taki anga u fu a moni di we piki gi den santawan. U sa du aseefi sani di mi taigi den kemeente fu Galasiya.
2 Ala fosi dei fu a wiki, iniiwan sama mu poti wan pikin moni a wanse, daw naafu piki moni moo te mi doo. Iniiwan sama mu poti san a poi.
3 Di wo sende biifi gi mi daw sa piki mi sama u si enke sa du a wooko ya. Da di mio kon anda mio sende den fu tyai den sani di u gi anga u hii ati gwa Yelusalem.
4 Ma efu a de fanowdu taki miseefi mu go anda, da mi anga den o go.
5 Fosi mi kon aw mio pasa a Masadoniya, bika na anda mi wani waka.
6 Kande mio tan anga u wan pisiten. Efu mi de ape da mio tan te enke a koo-ten fu a yali pasa, daw sa poti mi afu pasi te mi e gwe.
7 Bika a ná te mi e pasa namo mi wani si u, mi wani tan wan pisiten anga u tu efu Yehofa* wani.
8 Ma mio tan a Efeise te enke a Pinksterfesa pasa.
9 Bika Gadu opo wan gaan doo gi mi fu du omen wooko gi en. Ma omen sama de di e suku fu tapu a wooko ya.
10 Efu Timotiyesi kon anda u mu solugu taki a naabi nawan booko-ede, bika enseefi e wooko gi Yehofa* leti enke mi.
11 Wa mu meke nawan sama wisiwasi en. U poti en afu pasi te ai kon a mi dise, bika mi anga den taa baala e wakiti en.
12 Mi begi u baala Apolos fu kon a wi anda anga den taa baala. Ma aa poi kon nownow, aw kon te a fende a okasi.
13 U mu de na ain, u biibi mu taanga, u mu abi deki-ati, u mu taanga.
14 U mu du ala sani anga lobi.
15 Den baala fu mi, u sabi taki a den sama fu a osu fu Stefanas a den fosi sama di toon bakaman aini Akaya. Den e du ala san den poi fu yeepi den santawan.
16 Mi e begi u fu wooko makandaa anga den sowtu sama ya. U mu wooko makandaa anga den sama di e wooko anga den tu. Den sama ya e wooko taanga.
17 Mi e piisii taki Stefanas, Fortunatus anga Akaikus de ya anga mi. Ná pikin yeepi den yeepi mi fa wa de ya.
18 Ná pikin taanga-sikin den gi mi anga u, neen meke u mu e lesipeki den sowtu man ya.
19 Den kemeente fu Asiya sende odi gi u. Akwila anga Priska, anga a kemeente di e kon makandaa aini den osu sende odi gi u di de enke bakaman fu Masaa.
20 Ala den baala ya sende odi gi u. U gi makandaa odi anga wan santa bosi.
21 Mi Pawlesi seefi sende odi gi u tu. A miseefi ana sikiifi ya.
22 Heelu fu a sama di á lobi Masaa. Masaa we begi i, gaantangi kon baa.
23 Meke a bun-ati fu Masaa Yesesi de anga u.
24 Mi lobi ala wi fu di wi a bakaman fu Kelestesi Yesesi.
A maiki
^ Luku a wowtu ‘Yehofa’ na a pisi ‘San den wowtu ya wani taki.’
^ Luku a wowtu ‘Yehofa’ na a pisi ‘San den wowtu ya wani taki.’
