Den sani di Lukasi sikiifi 3:1-38
3 Na a du fu 15 yali di Gaankownu Tiberiyus be e tii, Pontiyus Pilatus be de gaanman fu Yudeya. Herodes a be tiiman fu Galileya, en baala Filipus be e tii Itureya anga Trakonitis. Lisaniyas be e tii Abileini.
2 Anas a be wan fu den fesiman fu den pilisite. Kayafas a be a gaan pilisite. Na a ten de Gadu gi Yohanisi, a manpikin fu Sakaliya wan bosikopu aini a sabana.
3 Yohanisi be e go na ala den foto di be de na a pisi fu Yordaan liba. A be taigi den sama taki efu den be wani Gadu gi den paadon fu den sondu fu den, den be mu dopu fu soi taki den sani di den du e hati den.
4 A sani ya pasa leti enke fa a sikiifi aini a buku fu polofeiti Yesaya. A be taki: ‘Wan sama e bali aini a sabana taki: “U seeka a pasi gi Yehofa*! U kiin a pasi fi en.
5 Tapu ala den saka peesi anga doti, ala den mongo anga den hei peesi mu kon paata. Ala den pasi di koon mu taampu tollo, ala den pasi di goofu mu kon gaata,
6 da ala sama o si a fasi fa Gadu o fii wi.”’
7 Neen meke a bigin taigi den sama di be e kon neen fu dopu taki: ‘U sinekipikin, saw kon du ya? U denki taki wo poi go kibii te Gadu o kii den ogii sama?
8 Neen meke, u mu du sani di e soi taki u daai u libi*. Wa mu denki taki fu di wa Abalaham bakapikin, da Gadu naw sitaafu u. Bika Gadu sa meke den siton ya toon Abalaham bakapikin.
9 A akisi fei kaba fu faa a bon towe. Neen meke iniiwan bon di nai meke bun nyanyan, den o faa en towe da den iti en go aini a faya.’
10 Di a taki den sani ya, den sama be e akisi en taki: ‘Da saw mu du?’
11 Neen meke a taigi den taki: ‘A sama di abi tu dyakiti mu gi wan sama di naabi, wan fu den dyakiti fi en. A sama di abi sani fu nyan mu gi a sama di naabi.’
12 Den sama di be e piki lantimoni seefi be kon fu a dopu den. Den akisi en taki: ‘Leliman, saw mu du?’
13 A taigi den taki: ‘Wa mu teke moni a tapu moo enke a moni di lanti taki sama mu pai.’
14 Den suudati seefi akisi en taki: ‘Da saw mu du?’ A piki den taki: ‘Wa mu teke sani a nawan sama anga taanga, wa mu lei gi den, u mu tifeedi anga den sani di we fende.’
15 Den sama be e wakiti fu a Kelestesi kon. Neen meke den be e akisi denseefi taki: ‘A sa de taki a Yohanisi na a Kelestesi?’
16 Ma Yohanisi taigi den taki: ‘Mi e dopu wi anga wataa. Ma wan sama di abi makiti moo mi e kon. Mia fiti fu puu en susu neen futu seefi. Aw dopu u anga santa yeye anga faya*.
17 A abi wan sani aini en ana fu puu alisi buba. Aw kiin a peesi pe ai masi alisi. Aw poti a alisi aini a magisin fi en, ma aw boon den alisi buba anga faya di nawan sama o poi kii.’
18 A taigi den omen taa sani fu gi den taanga-sikin. A be e paati a bun nyunsu gi den tu.
19 Yohanisi be taigi Herodes a tiiman fu Galileya taki aa be e tyai enseefi bun, bika a be e du omen ogii-ati sani. A be taigi en tu taki a ná wan bun sani a du di a toow anga Herodiyas, a uman fi en baala.
20 Neen meke Herodes du wan taa ogii. A meke den poti Yohanisi a sitaafu-osu.
21 Yohanisi dopu omen sama, a dopu Yesesi tu. Di Yesesi e begi, hemel opo
22 neen a yeye fu Gadu kon neen tapu enke wan doifi. Neen Gadu taki komoto a tapu taki: ‘Yu a mi Manpikin, mi lobi i, ye meke mi piisii.’
23 Di Yesesi bigin anga a wooko fi en, a be abi wan sani fu 30 yali. Sama be sabi en enke a manpikinfu Yowsefu,Yowsefu a be a manpikin fu Eli,
24 Eli a be a manpikin fu Matat,Matat a be a manpikin fu Leifi,Leifi a be a manpikin fu Melki,Melki a be a manpikin fu Yanai,Yanai a be a manpikin fu Yowsefu,
25 Yowsefu a be a manpikin fu Matatiyas,Matatiyas a be a manpikin fu Amos,Amos a be a manpikin fu Nahum,Nahum a be a manpikin fu Esli,Esli a be a manpikin fu Nagai,
26 Nagai a be a manpikin fu Maat,Maat a be a manpikin fu Matatiyas,Matatiyas a be a manpikin fu Semeyin,Semeyin a be a manpikin fu Yosek,Yosek a be a manpikin fu Yoda,
27 Yoda a be a manpikin fu Yo-anan,Yo-anan a be a manpikin fu Resa,Resa a be a manpikin fu Serubabel,Serubabel a be a manpikin fu Seyaltiyel,Seyaltiyel a be a manpikin fu Neri,
28 Neri a be a manpikin fu Melki,Melki a be a manpikin fu Adi,Adi a be a manpikin fu Kosam,Kosam a be a manpikin fu Elmadan,Elmadan a be a manpikin fu Er,
29 Er a be a manpikin fu Yesesi,Yesesi a be a manpikin fu Eliyeser,Eliyeser a be a manpikin fu Yorim,Yorim a be a manpikin fu Matat,Matat a be a manpikin fu Leifi,
30 Leifi a be a manpikin fu Simeyon,Simeyon a be a manpikin fu Yudas,Yudas a be a manpikin fu Yowsefu,Yowsefu a be a manpikin fu Yonam,Yonam a be a manpikin fu Eliyakim,
31 Eliyakim a be a manpikin fu Meleya,Meleya a be a manpikin fu Mena,Mena a be a manpikin fu Matata,Matata a be a manpikin fu Natan,Natan a be a manpikin fu David,
32 David a be a manpikin fu Isai,Isai a be a manpikin fu Obed,Obed a be a manpikin fu Bowas,Bowas a be a manpikin fu Salmon,Salmon a be a manpikin fu Naheson,
33 Naheson a be a manpikin fu Aminadab,Aminadab a be a manpikin fu Arni,Arni a be a manpikin fu Hesron,Hesron a be a manpikin fu Peres,Peres a be a manpikin fu Yuda,
34 Yuda a be a manpikin fu Yakopu,Yakopu a be a manpikin fu Isaki,Isaki a be a manpikin fu Abalaham,Abalaham a be a manpikin fu Tera,Tera a be a manpikin fu Nahor,
35 Nahor a be a manpikin fu Seiruk,Seiruk a be a manpikin fu Rehu,Rehu a be a manpikin fu Peilek,Peilek a be a manpikin fu Heiber,Heiber a be a manpikin fu Sela,
36 Sela a be a manpikin fu Kainan,Kainan a be a manpikin fu Arpaksad,Arpaksad a be a manpikin fu Sem,Sem a be a manpikin fu Nowa,Nowa a be a manpikin fu Lamek,
37 Lamek a be a manpikin fu Metusala,Metusala a be a manpikin fu Heinok,Heinok a be a manpikin fu Yered,Yered a be a manpikin fu Mahalaliyel,Mahalaliyel a be a manpikin fu Kainan,
38 Kainan a be a manpikin fu Enos,Enos a be a manpikin fu Set,Set a be a manpikin fu Adan,Adan a be a manpikin fu Gadu.
A maiki
^ Luku a wowtu ‘Yehofa’ na a pisi ‘San den wowtu ya wani taki.’
^ Efuso ‘kengi a fasi fa we denki’.
^ Dati wani taki, aw salufu son wan fu u anga santa yeye, da aw poli son wan fu u anga faya.
