PISI 22
Sowtu wooko e du a wan beikantoo?
Salomon eilanti
Kanada
Zuid Afiikan
Den sama di e tan a Betel, e du omen sowtu wooko fu meke sani di de fanowdu,fu du a peleikiwooko aini wan efuso moo kondee. Yu abi wan tu guupu sama di e sikiifi den buku go aini taa tongo, sowan fu de e wooko ape de e meke buku. Taawan baka e wooko aini den magisin pe de e poti den buku fu sende gwe. Taawan e meke CD anga DVD, efuso taa sani di de fanowdu na a pisi de.
A Beikantoo Komte e luku fa a wooko e du aini a kondee. Den baala di e tii a wooko fu Yehofa Kotoigi poti wan Beikantoo Komte na ala den Betel osu. Ala den beikantoo abi dii efuso moo owluman di abi fuu ondoofeni, a de e teke fesi na a beikantoo. A Beikantoo Komte e meke den baala di e tii a wooko a hii goontapu sabi fa a wooko e go aini den kondee fu den. De e taigi den tu te den abi polobelema. Te den baala di e tii a wooko a hii goontapu kon sabi den sowtu sani ya, da dati e yeepi den fu sabi fu sowtu toli den mu sikiifi aini den buku. De e kon sabi tu sowtu taki mu holi a den komakandaa anga den gaan komakandaa. Den baala di e tii a wooko a hii goontapu e sende baala go a den kondee fu go luku gi den fa a wooko e go a den beikantoo. Den baala di den sende, e gi den baala fu den Beikantoo Komte lai fa den sa du a wooko fu den moo bun (Odo 11:14). A Beikantoo e seeka sani fu meke a baala di a edekantoo sende kon, holi wan taki fu gi den baala anga sisa aini a kondee taanga sikin.
De e yeepi den kemeente aini a kondee. Sowan fu den baala na a beikantoo kisi a faantiwowtu fu gi piimisi te a de fanowdu fu opo nyun kemeente. Den baala fu a beikantoo e luku a wooko fu den pionili, den zendeling anga den kelen-owluman. De e seeka sani fu holi den gaan komakandaa anga konkelesi, de e luku o ten a de fanowdu tu fu meke nyun komakandaa peesi. De e solugu taki den buku doo a den kemeente fu meke den sama fende den buku di den abi fanowdu. Ala den wooko di de e du a den beikantoo e meke a peleikiwooko waka a wan bun fasi.—1 Korentesama 14:33, 40.
-
Fa den beikantoo Komte e yeepi den baala di e tii a wooko fu wi a hii goontapu?
-
Sowtu wooko e du a wan beikantoo?
