PISI 19
Sama na a koni saafu di u sa fitoow?
Ala u e fende wini fu den leli di wi e kisi fu a saafu guupu
Fosi Yesesi be dede a be abi wan taki anga fo fu den disipelli fi en—Peitilisi, Yakowbesi, Yohanisi, anga Andeleyasi. Di a be e taki fu a maiki di be o soi taki a kon baka aini den kiiboi dei, da a be poti wan akisi di u mu teke denki fi en: „Sama na a koni saafu di u sa fitoow, di en masaa poti a wooko fu luku den futuboi fi en, anga fu gi den nyanyan na a soifili yuu?” (Mateyesi 24:3, 45; Malikisi 13:3, 4) Yesesi di de a „masaa”, be wani meke den disipelli fi en, be mu fusutan taki a be o poti wan tu sama fu du a wooko ya baka te a be o opo go a hemel. Den wan di a be o poti be o gi den bakaman fi en nyanyan naamo na a soifili yuu, dati wani taki den be o leli den sani fu Beibel. Ma aini den kiiboi dei da sama be o de a saafu de?
Wan pikin guupu bakaman fu Yesesi di salufu anga a santa yeye. A „saafu” a den baala di e tii a wooko fu u. Ai gi den diniman fu Yehofa leli na a yuu di den abi en fanowdu. A koni saafu di u sa fitoow, abi a faantiwowtu fu gi u „nyanyan na a yuu di wi abi en fanowdu.”—Lukasi 12:42.
A saafu e luku a osufamii fu Gadu (1 Timotiyesi 3:15). Yesesi be gi a saafu a gaan faantiwowtu fu tii a wooko fu a olikanisâsi fu Yehofa a goontapu ya. Den mu luku den gudu fi en, den mu teke fesi aini a peleikiwooko, anga den mu gi u leli a den komakandaa tu. A di den mu gi u den sani di wi abi fanowdu na a ten di wi abi den fanowdu, neen meke a „koni saafu di u sa fitoow” e paati den leli fu Beibel gi u. De e paati den leli ya anga yeepi fu den buku anga taa sani di de e meke. De e gi u leli tu a den komakandaa, anga den gaan komakandaa.
A saafu ya de fu fitoow, bika ai wooko anga den tuu leli fu Beibel. De e du a wooko di den kisi tu fu paati a bun nyunsu. De e wooko a wan konifasi anga den sani fu Yesesi di a abi a goontapu ya (Toli 10:42). Yehofa e belesi a wooko fu a saafu ya, bika ai meke moo sama kon aini a biibi, anga ai yeepi a saafu fu gi den sama ya tyaipi leli fu Beibel tu.—Yesaya 60:22; 65:13.
-
Sama Yesesi be poti fu gi den disipelli fi en leli fu Beibel?
-
Fa a saafu e soi taki a koni, anga fa ai soi taki a de fu fitoow?
