Yesesi be taigi den bakaman fi en taki: „U mu meke a leti fu u de kiin gi ala sama fu si, da den bun wooko fu u di den o si, o meki den gi a Tata a tapu daa” (Mateyesi 5:16). A fu a sani de meke wi koboloiki den nyun sani di sama e meke a wan bun fasi. A Internet a wan fu den sani di wi e koboloiki. A peesi pe i sa fende wi a internet a jw.org. Na ape na a soifili peesi pe i sa fende toli fu Yehofa Kotoigi, den sani di wi e biibi anga den sani di wi e du. Sowtu sani so?

A Beibel e piki den akisi di somen sama abi. Na ape i sa fende akisi di sama be poti. I sa fende den talakitaati di den e kai Banowtu sa kaba wan dei? anga A tuu taki dedesama o libi baka? aini moo enke 600 tongo. I sa fende a Nyun-Grontapuvertaling aini moo enke 130 tongo, anga somen fu den taa buku di wi e koboloiki fu leli sama. Wantu fu den buku ya na San Bijbel kan leri wi?, anga den nyun Wakititolen anga Ontwaakt! Somen fu den buku, u sa aliki den efuso leisi den na Internet. I sa teke den puu a Internet tu enke PDF efuso EPUB. I sa doloki wan tu fu den sani ya poti a pampila tapu gi sama di wani sabi moo aini den tongo! DVD de fu fende aini dofu sama tongo tu. I sa fende Beibel dalama anga pisi fu Beibel di sama e leisi. Moi poku fu aliki, de na a Internet tapu tu.

Tuu toli di abi fu du anga Yehofa Kotoigi. I sa fende nyunsu anga satu felon di e taki fa a wooko fu wi e du a hii goontapu, sani di e miti wi anga fa wi e yeepi sama te gaan ogii pasa a wan peesi. I sa luku tu o ten den konkelesi fu wi e holi, anga den peesi pe i sa fende den beikantoo fu u.

A so wi e meke a leti fu den tuu toli fu Beibel kiin te go doo den moo faawe peesi a goontapu. Seefi te na a moo koo peesi fu goontapu, di de e kai Antartika. Wi e begi taki „a wowtu fu Yehofa mu tan paati gawgaw” a hii goontapu fu meke Gadu kisi gafa.​— 2 Tesalonikasama 3:1.

• A sowtu fasi jw.org e yeepi sama fu sabi Beibel moo bun?

• Sa a den sani fu u di i be sa wani kon sabi a Internet?