Efa aliki sa a sineki taigi en, neen meki a nyan fu a sii. Bakaten, a gi Adan wan pikinso fu nyan. Adan nyan a sii di Efa be gi en.

A wan ogii den du di den nyan fu a sii. Gadu be puu den aini a Paladeisi.

A libi be kon hebi gi den anga den pikin fu den. Den be kon gaandi, neen den dede bakaten. Di den dede den a go a wan taa peesi go tan a dede kondee. Den á be e libi moo.

A fu di wi a bakapikin fu Adan anga Efa meke wi e dede tu. Dedesama á poi si, den á poi yee, den á poi du nawan sani moo tu.​—Peleikiman 9:5, 10.

Yehofa á be meke sama fu be e dede. Dyonson moo, a o weki den dedesama kon a libi baka. Efu den aliki en, da den o libi fu tego.