Di Yehofa meke a fosi uman, di dee kai Efa, neen a gi en na Adan enke en uman.​—Kenesesi 2:21, 22.

A sikin anga a fusutan di Yehofa be meki den anga en, á be abi nawan fowtu. A peesi pe den be e tan, be de wan Paladeisi de e kai Eden. A wan peesi di be mooi fu toko, a be abi liba, siibon anga meti.

Yehofa be e taki anga den, a be e gi den leli tu. Efu den be aliki sa Gadu taki, da de be o libi fu tego aini a Paladeisi a goontapu.

Yehofa be soi den wan siibon na a peesi pe den be e tan, neen a taigi den takí, den o dede efu den nyan a sii fu a bon de.

Wan fu den engel a tapu anda be taangayesi Gadu. Na a ogii engel de, den e kai Satan Didibii.

Satan á be wani Adan anga Efa aliki Yehofa. A teki wan sineki neen a meke a taki anga Efa. A sineki taigi en takí a na o dede efu a nyan a sii fu a bon, ma a o kon de enke fa Gadu seefi de. Dati a be wan lei tuutuu ye!​—Kenesesi 3:1-5.