Somen fu den sani di e pasa aini a ten ya, a sani di Beibel be taki a fesi kaba. A be taki sama be o lobi moni tumisi, pikin á be o go e teke taki fu den gaan sama. Sama be o go e de ogii ogii, den be o lobi piisii pasa peesi.

A doti o go e seke e piiti son pisi fu goontapu, oloku be o de, nyanyan angii be o de, siki seefi be o de na ala peesi. Ala den sani ya e pasa aini a ten fu wi ya.

Yesesi be taki tu taki a bun nyunsu fu a Kownukondee be o paati na hii goontapu.​—Mateyesi 24:14.

Dyonso moo, Yehofa o kii den sama di nai dini en.

Satan anga den ogii yeye o kisi sitaafu.

Den wan di e aliki Gadu sa tan a libi aini wan nyun goontapu, pe den na o feele moo. Na ape ala sama o fitoow makandii, den o lobi makandaa tu.