Efu wan sama wani piisii Yehofa, da a mu aliki a manpikin fi en. Fosi Gadu be meke Adan, a be meke wan makiti manpikin a tapu anda. A manpikin de a wan jeje, wi á poi si en.

Bakaten, neen Yehofa poti a manpikin fi en de aini a bee fu wan uman den e kai Maliya, di á be didon anga man ete. A meke a pikin na a foto Betelehem. A pikin den be e kai Yesesi.​—Yohanisi 6:38.

Di Yesesi be de wan libisama a goontapu ya, dan a be e soi taki a abi den seefi manii fu Gadu. Bika a be abi bun manii, anga a be lobi sama tu. Á be e feele fu leli sama den toli fu Yehofa.

Yesesi be e deesi siki sama. A be meke son sama di be dede kon a libi baka.

Den kéliki fesiman be e buusé Yesesi, fu di a be e taigi den taki den e leli sama falisi sani. A be soi den tu taki den nai tyai den seefi bun.

Den kéliki fesiman be meke den sama fu Loma fon Yesesi. Den meke den kii en tu.