PISI 5
Sowtu pakisei Gadu abi anga a goontapu ya?
1. San meke Gadu meke goontapu?
Yehofa meke goontapu gi u libisama. A wi tanpeesi de ya. Neen ede meke Yehofa á be meke den fosi libisama, Adan anga Efa fu libi a goontapu ya da bakaten den be o go libi a hemel—Gadu meke engel fu libi a hemel anda kaa (Yop 38:4, 7). Yehofa teke a fosi man neen a poti en aini a Paladeisi di de e kai a dyali fu Eden (Genesesi 2:15-17). Yehofa be gi Adan anga den bakapikin fi en a okasi fu be piisii fu tego fu a libi a goontapu ya.—Leisi Pisalon 37:29; 115:16.
Fosi, a soso a dyali fu Eden be de wan paladeisi a goontapu ya. A fosi man anga uman be mu meke pikin fuu hii goontapu. Bakaten den be mu de enke basi na a goontapu ya fu be meke a toon wan paladeisi (Genesesi 1:28). Noiti goontapu o kaba a soso. Alaten libisama o tan na en tapu.—Leisi Pisalon 104:5.
Luku a felon di den e kai Saide Gadu meke goontapu?
2. San meke goontapu á de wan paladeisi nownow?
A di Adan anga Efa taanga yesi Gadu, neen ede meke A puu den poti a doose fu a dyali. A so meke saafi saafi a paladeisi be kon kaba a soso, nawan libisama be poi seeka en moo. A Beibel taki: „Goontapu kon fika aini a ana fu a ogiiwan.”—Yop 9:24.—Leisi Genesesi 3:23, 24.
A poi Yehofa á be poi du san a be abi a pakisei gi libisama? Ná dati kwetikweti, bika en Yehofa na a moo makiti sama di de. Noiti a o poi misi fu du san a taki (Yesaya 45:18). A o seeka sani poti gi libisama baka enke fa a be mu de.—Leisi Pisalon 37:11, 34.
3. Fa a goontapu ya o du man toon wan Paladeisi baka?
Te Yesesi o tii enke a Kownu di Gadu poti, da a goontapu o toon wan Paladeisi baka. Aini a feti di Beibel e kai Armagedon, Yesesi o de enke fesiman fu den engel fu Gadu. Den o kii ala den sama di nái aliki Gadu. Da Yesesi o bui Saatan 1000 yali langa. Kon A Kiin 20:1-3; 21:3, 4.
Den sama fu Gadu, o pasa a feti de, bika Yesesi o kibii den. A den a den sama di o nyan bun fu a tego libi aini a Paladeisi.—Leisi4. O ten pina o kaba a goontapu?
O ten Gadu o meke ogii libi kaba a goontapu? Yesesi be soi den bakaman fi en wan maiki di te den be o si en, da den be o sabi taki a kaba de koosube. Efu den sani di e pasa na a goontapu ya e tan go so doo, da libisama na o de dyonson moo. Den sani di e pasa tu e soi taki aini den „kiiboi dei fu goontapu” wi e libi nownow.—Leisi Mateyesi 24:3, 7-14, 21, 22.
Te Yesesi o tii goontapu 1000 yali langa, da na a ten de a o puu a pina di libisama e pina (Yesaya 9:6, 7; 11:9). Boiti taki Yesesi a Kownu, da a de a Hei-piliste tu. A so meke a o poi puu ala den sondu fu den sama di lobi Gadu. Yesesi na a sama di Gadu o koboloiki fu puu siki, gaandi, anga dede.—Leisi Yesaya 25:8; 33:24.
5. Sama a den sama di o tan aini a Paladeisi?
Na a komakandaa peesi yu o miti sama di lobi Gadu, anga di wani leli fa den sa du sani enke fa a wani
A den sama di e aliki Gadu o tan aini a Paladeisi (1 Yohanisi 2:17). Yesesi be sende den bakaman fi en fu den go suku sama di abi bun ati. Den be mu leli den sama ya san den mu du fu Gadu sa fende den bun. Tide na a dei Yehofa e seeka wanlo sama fu libi aini a Paladeisi a goontapu ya (Sefaniya 2:3). A den komakandaa peesi fu Yehofa Kotoigi, da na ape den manengee e leli fa den sa de wan bun dada, anga wan bun man gi den uman anga den pikin. Den umansama e leli fa den sa de wan bun mama anga wan bun uman gi den man anga den pikin. Den pikin anga den gaansama fu den e dini Gadu makandii, anga den e leli fa den sa abi wan bun libi.—Leisi Mika 4:1-4.