A moo bun sani di i be sa du, a fu toon Gadu mati. Gadu o leli i fa i mu de koloku anga fi i nái booko i ede tumisi. A o meke i kon fii fu somen falisi sani di sama e biibi, anga sani di sa du yu ogii. A o aliki den begi fi i. A o meke yu abi a fitoow taki sani o waka bun gi i. A o meke i ati fii piisii tu (Pisalon 71:5; 73:28). Gadu o de anga i te yu abi polobelema (Pisalon 18:18). Gadu wani gi i wan kado, dati na a tego libi.​—Lomeini 6:23.

Te yu o kon koosube a Gadu, da yu o kon de koosube fu den taa mati fi En tu. Den o toon i mati tu. Fu taki en enke fa a de, den o de enke i baala anga i sisa. Den o piisii fu leli i sani fu Gadu, den o yeepi i, anga den o gi i taanga sikin tu.

Wi anga Gadu a ná a seefi. Wan sani di i mu fusutan bun te i wani de wan mati fu Gadu, a taki a de di yu e de en mati á de a seefi enke te tu libisama de mati. A gaandi dyow moo wi, a koni dyow moo wi, anga a taanga moo wi tu. Neen na a soifili sama di mu tii wi. Neen ede meke efu wi wani toon en mati, da u mu e aliki san ai taigi u anga u mu e du sa taki. A sani ya o tyai bun gi u.​—Yesaya 48:18.