Efi i wani tan wan mati fu wan sama, da i mu e taki anga en. Yu e aliki en, da enseefi e aliki i tu. Yu e gafa i mati gi taa sama. A so a de tu te i de wan mati fu Gadu. Luku san Beibel e taki fu a sani ya:

Taki naamo anga Yehofa aini begi. „E begi naamo.”​—Lomeini 12:12.

Leisi Beibel, a Wowtu fu Gadu. „A Gadu seefi meke sama sikiifi ala den sani di de aini a buku fi en. Den sani di a meke den sikiifi bun fu gi sama leli, fu poti sama a pasi, fu soi den fa den mu waka leti.”​—2 Timotiyesi 3:16.

Leli taa sama fu Gadu. „Neen ede meke u mu go a sama fu ala kondee, da un meke den toon bakaman fu mi. . . . soi den fa den mu du ala den sani fiya di mi taigi u.”​—Mateyesi 28:19, 20.

 Kon koosube a den mati fu Gadu. „A sama di e waka anga koni sama o kon koni tu.”​—Odoo 13:20.

Go a den komakandaa. „Meke wi e poti pakisei a makandaa, fu u sa gi makandaa taanga sikin fu soi lobi anga fu du bun wooko . . . gi makandaa deki-ati tu.”​—Hebelei 10:24, 25.

Holi baka gi a Kownukondee wooko. „Meke ibiiwan sama [gi] san en ati fii. A á mu du en anga dwengi, bika Gadu lobi wan sama di e gi sani anga piisii.”​—2 Kolenti 9:7.