Saatan wani fi yu e bonu. Fuu sama e towe nyanyan gi den gaansama fu den efuso gi den yeye, fu den á mu du ogii anga den. De e du a sani ya, bika de e feele taki den yeye di abi tyaipi makiti o du ogii anga den. De e wei linga anga bui. De e diingi efuso de e lobi „obiya bataa” a sikin, bika den taki den sani ya abi tofuu kaakiti. Son sama e kibii sani aini den osu efuso a ondoo doti. De e biibi taki den sani ya man kibii den gi ogii. Taa sama baka e meke obiya fu yeepi den fu wooko bun a sikoo, efuso fu fende wan bun man efu uman.

A moo bun fasi fa i sa kibii iseefi gi Saatan, a te i teke Yehofa enke i mati. Yehofa Gadu anga den engel fi en taanga dobuu dobuu moo Saatan anga den ogii yeye fi en (Yakowbesi 2:19; Kon A Kiin 12:9). Tuutuu, Yehofa wani koboloiki en kaakiti fu yeepi den mati fi en. Den a den sama di e tei holi neen.​—2 Koloniki 16:9.

Gadu Wowtu e taki: „Yu á mu bonu.” Yehofa e kuutu tofuu anga bonu wooko, bika den sani ya e meke sama kon na a makiti fu Saatan Didibii ondoo.​—Lefitikesi 19:26.