Gadu wani i toon en mati. I pakisei wan dei kaa taki i sa de wan mati fu a moo hei Gadu di de? Den be e kai Abalaham di be e libi aini hawten, a mati fu Gadu (Yakowbesi 2:23). Beibel e taki fu taa sama tu di be de Gadu mati. Den sama ya be fende tyaipi belesi. Tide na a dei, somen sama e toon Gadu mati. Iseefi sa toon Gadu mati tu.

A moo bun fu de Gadu mati moo enke i de mati fu iniiwan libisama. Gadu noiti e gwe fika den sama di e tei holi neen (Pisalon 18:25). Te i de wan mati fu Gadu, da a bun moo enke te i abi gudu. Te wan gudu sama dede, da a taa sama e fende a moni fi en. Ma te i de wan mati fu Yehofa, da yu e abi wan gudu di náwan sama poi teke puu a yu ana.​—Mateyesi 6:19.

Son sama o wani tapu i fu leli sani fu Gadu. Son mati anga famiiman fi i ná o wani yu e leli sani fu Gadu (Mateyesi 10:36, 37). Efu taawan e wisiwasi i efuso e tesi i, da i mu akisi iseefi taki: ’Sama mi wani piisii, a libisama efuso a Gadu?’ I mu denki a toli ya bun: San i be o du efu wan sama taigi i taki yu á mu nyan moo? I be o aliki en? Kwetikweti. Efi i aliki en yu o dede, bika yu abi nyanyan fanowdu fu tan a libi. Ma a sani di Gadu sa gi i na tego libi! Neen ede meke yu á mu meke náwan sama tapu i fi i kisi leli di o yeepi i fi i toon wan mati fu Gadu.​—Yohanisi 17:3.