„Gadu . . . o dee den wataa-ain fu den. Da dede, banowtu, kee anga pen ná o de moo. Bika den fositen sani pasa gwe kaba.”—Openbaring 21:3, 4, Da Bijbel na ini Sranantongo.

Yu o kon fusutan kiin taki ná Gadu e meke ogii e miti u.—Yakowbesi 1:13.

I ná o booko i ede moo te i kon fusutan taki Gadu sabi san e miti i.—Sakaliya 2:8.

Yu o kon fusutan kiin taki banowtu ná o de moo aini a ten di e kon.—Psalm 37:9-11.

Iya, tu sani de di meke u sa biibi san Beibel taki ya:

• Gadu á lobi te sama e pina anga te sama e du ogii anga taawan. Luku fa Yehofa Gadu be e fii di taawan be e du wan lo ogii sani anga den sama fi en aini Beibel ten. Beibel taki a ben e hati en te a be e si fa „taawan e du ogii anga den.”—Kuutubakaa 2:18, Nyun-Grontapuvertaling.

  Gadu buuse en te wan sama e du ogii anga taawan. Beibel e soi taki Yehofa e buuse „sama di e kii taawan soso kaali.”—Odo 6:16, 17.

• Gadu e booko en ede anga iniiwan fu wi. Yehofa seefi e taigi wi fu poti ala den booko ede fu wi aini en ana, „bika ai booko en ede anga wi.”—1 Peitilisi 5:7.

  Yehofa o koboloiki a kownukondee fi en fu puu den banowtu fu iniiwan fu wi (Mateyesi 6:9, 10). Fu di a ten de á doo ete, da ai toosutu den wan di e meke moiti fu dini en anga den hii ati.—Toli 17:27; 2 Korentesama 1:3, 4.