PISI 9
Dini Yehofa enke wan osufamii
„Dini a sama di meke hemel anga goontapu.”—Openbaring 14:7
Enke fa i leli aini a bolosilo ya, a Beibel e leli u somen sani di sa yeepi yu anga i famii. Yehofa wani i piisii. A paamisi taki efu i poti a dini fi en a fesi, yu o „fende ala den taa sani tu” (Mateyesi 6: 33). A wani i de en tuutuu mati. Du ala san i man fu meke Gadu toon a moo bun mati fi i. Moo so gaandi fu wan libisama fende á de.—Mateyesi 22:37, 38.
1 TOON WAN MOO BUN MATI FU YEHOFA
SAN BEIBEL E TAKI FU A TOLI YA: „Mi o de enke wan dda gi u, da wi o toon mi manpikin anga mi umanpikin, a so Yehofa taki” (2 Korentesama 6:18). Gadu wani i toon en bun mati. Wan fasi fa u sa toon en bun mati, a te wi e begi. Yehofa taki „Ná weli fu begi, ma begi naamo” (1 Tesalonikasama 5:17, Beibel—Okanisi Tongo) A wani sabi ala u booko ede anga san wi e denki (Filipisama 4:6). Te yu e begi anga i osufamii, da den o si taki Gadu de enke wan tuutuu sama gi i.
Te yu e taki anga Gadu i mu e aliki en tu. Wan fasi fa wi e aliki Gadu a te wi e sutudeli Beibel anga den taa buku fu a olikanisasi (Psalm 1:1, 2). Go denki bun fu den sani di i leli (Psalm 77:11, 12). Wan taa fasi wi e aliki Gadu a te u nái misi komakandaa.—Psalm 122:1-4.
Wan taa fasi fa u sa toon wan bun mati fu Yehofa a te wi e leli taa sama sani fi en. O moo yu e taki fi en, o moo yu o toon wan bun mati fi en.—Mateyesi 28:19, 20.
SAN I MU DU:
-
Ala dei i mu meke ten fu leisi a Beibel anga fu begi
-
Enke famii, wi a mu meke sani enke piisii ten anga a boo di wi e boo u sikin teke a peesi fu a dini di wi e dini Yehofa
2 MEKE A OSUFAMII ANBEGI DE WAN PIISII SANI
SAN BEIBEL E TAKI FU A TOLI YA: „Kon koosube a Gadu, da enseefi o kon koosube a yu” (Yakowbesi 4:8). Poti wan dei fu holi a osufamii anbegi. Yu á mu abaa wiki (Genesesi 18:19). Ma dati á na ala ete. Ala dei i mu e du san Gadu e taki. Yeepi i osufamii fu den toon moo bun mati anga Yehofa fu di yu o taki anga den „te u sidon aini osu, te wi e waka a sitaati, te wi e go didon, anga te wi obo” (Deitolonomi 6: 6, 7). Meke moiti fu de enke Yowsuwa, di be taki: „Ma mi anga mi osufamii, wi dati o dini Yehofa.”—Yowsuwa 24:15.
SAN I MU DU:
-
I mu luku san ala sama aini yu osufamii abi fanowdu. Ala yuu te yu e sutudeli anga den i mu e holi den sani de a pakisei
