KOWNUKONDEE PELEIKIMAN SIKOO Pionili di abi 23 yali te anga 65 yali di wani du moo gi Yehofa, sa go na a komakandaa di e holi sonde bakadina gi den sama di wani go na a Kownukondee Peleikiman Sikoo. Den baala o meke i sabi on lati anga on pe a komakandaa ya o holi.

YEEPIMAN Den yeepiman abi a faantiwowtu fu yeepi i. Gaantangi, wooko makandii anga den te den soi i pe i mu waka, pe i mu poti i wagi, i bolomu, efuso i baisigii, efuso te den akisi i taa sani.

DOPU Fosi a dopu-lezing bigin sataa mamanten, da den sama di o dopu mu sidon a den peesi di den seeka gi den a fesise fu a podium. Iniiwan fu den mu tyai wan wasiduku anga koosi di fiti. Efu den mu sidon a wan taa peesi, da wi o meke den sabi.

EFI I WANI POTI MONI Den meke tyaipi kosutu fu solugu gi sidon peesi, gi den sani di koboloiki fu aliki den lezing anga omen taa sani. Ala den sani di den seeka ya e meke a konkelesi de wan piisii sani. Den sani ya o yeepi u fu toon moo bun mati anga Yehofa. A moni di yu e poti e yeepi pai den kosutu di meke na a konkelesi ya, anga a wooko di wi e du a hii goontapu. Yu o si wantu pikin kedee pe i sa poti moni. Ai bigi gi u taki wi e gi moni fu holibaka gi a wooko. Den baala di e tii a wooko fu Yehofa Kotoigi e gi u daa fu a moni di wi e gi fu holibaka gi a wooko di wi e du a hii goontapu.

EHBO (PEESI GI SIKIMAN EFUSO SAMA DI KISI MANKEI) Holi a pakisei taki EHBO a fu te wan BUNBUN SANI du wan sama.

SANI DI LASI Te wan sama fende wan sani a sa tyai en go a den baala di abi a faantiwowtu fu luku den sani di sama fende. Efu wan sani fi i lasi, i sa go a den baala ya fu luku efu a de ape. Te wan pikin lasi, i sa tyai en go a den baala ya tu. Ma sama á mu go fika den pikin na ape fu den baala luku gi den. Neen meke wi e begi i gaantangi fi i luku den pikin fi i fu den wawan á waka.

SIDON PEESI Gaantangi, holi taawan a pakisei. Ná feegete taki a yu Beibelsutudi wawan i sa holi peesi gi, efuso sama di kon makandii anga yu, anga sama di e tan anga yu aini wan osu. Gaantangi, efi i ná o sidon a wan sutuu ná poti sani neen. A so taawan o si taki den sa sidon ape

YEEPI NA A KONKELESI Efi i wani yeepi du wantu wooko na a konkelesi ya, da i sa go a den baala di e teke fesi. Den baala ya o taigi i pe den abi yeepi fanowdu.