PENTI 10
Kengi i siten
Odo 8:4, 7
SAN I MU DU: Taki moo gaw, moo saafi efuso moo taanga, da den sama o fusutan san yu e taki. Yu o man doo den ati anga den sani di yu e leli den.
FA I SA DU A SANI YA:
-
Taki moo taanga efuso saafi. Taki moo taanga efuso saafi fu meke den moo pelensipali pisi fu a lezing kon a kiin efuso fu gi den sama di e aliki i taanga-sikin. I mu du a sani ya tu te yu e leisi wan pisi fu Beibel di abi wan kuutu bosikopu. Taki moo saafi fu hali den sama pakisei. Taki moo saafi tu, te yu e leisi wan pisi pe wan sama e feele efuso wan sani di e gi sama booko-ede.
-
Yu á mu e taki a wan fasi naamo. A fasi fa yu e kengi i siten mu fiti a toli di yu e gi. Son leisi i mu taki anga faya, ma te yu e taki fu sani di e gi sama booko-ede efuso wan tyali sani, da i mu taki moo saafi.
-
On ten i mu taki gaw anga on ten yu á mu taki gaw. Taki moo gaw te yu e gi wan simpan toli. Te yu e taki fu wan pelensipali sani, yu á mu taki gaw.
