PENTI 14
Meke den moo pelensipali sani kon kiin a fesi
Hebrewsama 8:1
SAN I MU DU: Yeepi den sama di e aliki i fu poti pakisei a san yu e taki te enke i kaba. Yeepi den fu si kiin fa ala den pisi fu a lezing e holibaka gi a nen fu a lezing.
FA I SA DU A SANI YA:
-
I mu sabi on se i wani go anga a taki. I mu sabi fosi efu a lezing di yu o holi, a fu leli den sama wan sani, fu yeepi den fu biibi wan sani efuso fu gi den taanga-sikin. A fasi fa yu o sete a lezing mu yeepi i fu man du san yu abi a pakisei. Den moo pelensipali pisi fu a lezing mu e go na a se di i wani go anga a lezing.
-
Poti pakisei na a nen fu a lezing. Te yu e holi wan lezing, i mu e kai a nen fu lezing te a langa efuso koboloiki wowtu di o meke sama pakisei a nen fu a lezing di yu e holi.
-
Den moo pelensipali pisi fu a lezing á mu taanga fu fusutan. Den moo pelensipali pisi fu a lezing mu holibaka gi a nen fu a lezing di yu e holi. I mu kaba na a ten di i kisi tu. Neen meke den pelensipali pisi fu a lezing á mu ipi tumisi. Wakiti pikinso fosi yu abaa go a wan taa pelensipali pisi fu a lezing. Boiti dati yu á mu e buuya den sama te yu e abaa go a wan taa pisi.
