Akisi iseefi san den sama di e aliki i sabi kaba fu wan toli. Yu á mu taigi den sama sani di den sabi wawan, ma i mu yeepi den fu fusutan wan toli moo bun efuso a wan fasi di den á be poti pakisei.

Ondoosuku a toli di i wani taki bun, da i sidon pakisei fi en. I sa taki fu toli di sama á be yee ete efuso wan sani di pasa taade ya fu leli sama pelensipali sani. I mu sidon pakisei a toli di i wan gi, fu sabi efu ai fiti a lezing di yu o holi.

Soi den sama fa a toli di yu e taki sa yeepi den. Soi den fa den sa wooko anga wan Beibeltekisi. Soi den fa den sa wooko anga den sani ya te den de a sikoo, a wooko efuso taa peesi. Den sani di yu e taki mu fiti den sama di e aliki i.