Yeepi den sama di e aliki i fu ondoosuku denseefi. Poti akisi gi den fu yeepi den fu ondoosuku fa den e denki.

Soi den sama di e aliki i taki yu e biibi taki den wani du san bun. Gi den taanga-sikin fu ondoosuku saide den e du bun sani. Gi den taanga-sikin fu du sani fu di den lobi Yehofa, taa sama anga den leli fu Beibel. Yu á mu kuutu den, ma yeepi den fu si saide a wan koni sani fu du san Beibel taki. Yu á mu taki sani di o meke sen kisi den, ma gi den taanga-sikin fu tan meke moiti fu tyai denseefi bun.

Meke den sama poti pakisei a Yehofa. Meke den si fa den leli fu Beibel anga den weiti di de aini e soi taki Yehofa lobi u. Yeepi den fu si fa den sani ya, e yeepi u fu si sowtu manii Yehofa abi. Yeepi den sama fu holi a fasi fa Yehofa e fii a pakisei te den e du sani. Gi den taanga-sikin fu du san a lobi.