Begi, da i seeka bun. Begi Yehofa fu a yeepi i fi yu á poti pakisei a iseefi, ma fu poti pakisei na a sani di i wani leli sama. I mu sabi san a den moo pelensipali sani di i wani taki. Yu á mu leisi ala san i wani taki a wan pampila, ma i mu taki enke fa i gwenti.

Taki anga i hii ati. Sidon pakisei saide den sama di e aliki i mu yee den sani di yu e taki. Poti pakisei a den, da a fasi fa yu e taampu, den sani di yu e du anga yu ana anga a fasi fa yu e poti i fesi o soi taki yu e booko yu ede anga den. A o soi tu taki yu abi switifasi.

Luku den sama di e aliki i. Te yu e taki, luku den sama aini den ain efi i si enke den ná o fii wan fasi. Te yu e holi wan lezing, i mu e luku wanwan sama aini a zaal, a peesi fu meke moiti fu luku ala sama a wan pasi.