Den sani di yu e taki na a kaba fu a lezing mu holibaka gi den sani di i be taki a fesi. Taki fu den moo pelensipali sani di i be taki kaba. Den sani di yu o taki mu holibaka gi a nen fu a lezing.

Gi den sama di e aliki i taanga-sikin. Soi den sama san den mu du, soi den saide den mu du den sani de tu. Taki anga i hii ati. Taki a wan fasi tu di e soi taki den sani di yu e taki pelensipali.

Te yu e kaba a lezing, yu á mu taki fu omen sani. Ná taki fu nyun sani. Ná koboloiki tyaipi wowtu fu taki san yu abi a pakisei tu. Boiti dati gi den taanga-sikin ete wan leisi fu du san i taki.