I mu sabi saide i wani leisi wan tekisi. Den sani di yu e taki fosi i leisi wan tekisi mu yeepi den sama di aliki i fu sabi san i wani leli den anga a tekisi di yu o leisi.

Wooko anga a Beibel te yu e leli sama. Te yu e taki anga wan sama di e biibi Gadu, poti pakisei a san a Wowtu fu Gadu taki. Soi en taki a ná san i denki yu e leli en, ma a san a Wowtu fu Gadu taki.

Taki sani di e meke sama wani sabi san sikiifi aini wan tekisi. Poti wan akisi, da i leisi wan tekisi di e piki a akisi. Taki fu wan polobelema, da i soi fa wan tekisi sa yeepi u fu losi a polobelema de. Efuso koboloiki wan toli fu Beibel fu soi saide den sani di Gadu taki e tyai wini gi u.