Poti pakisei a den moo pelensipali wowtu. Te i kaba leisi wan tekisi, poti pakisei a den wowtu di e tyai a toli di yu e taki kon a kiin. I sa leisi den wowtu baka efuso poti wan akisi di o yeepi den sama fu sabi sowtu pisi fu a tekisi e holibaka gi a toli di yu e taki.

Yeepi den sama fu den á feegete den pelensipali sani di i wani leli den anga a tekisi. Te i soi den sama saide yu o leisi wan tekisi, i mu soi den tu pe fu a tekisi e holibaka gi a toli di yu e taki.

Soi den sama kiin fa den sa wooko anga san sikiifi aini wan tekisi. Yu á mu taki fu den pisi fu wan tekisi di nai holibaka gi a toli di yu e taki. I mu holi a pakisei san den sabi kaba fu a tekisi, da yu o sabi fa i mu yeepi den fu fusutan a tekisi moo bun.