Den buku efuso artikel di yu e koboloiki mu e taki san tuu. A san sikiifi aini Gadu Wowtu i mu leli sama, neen meke efi i man, a be o moo bun fi i leisi den tekisi aini a Beibel gi den. Efi yu e taki fu sani di koniman ondoosuku, nyunsu, ondoofenitoli efuso kolanti, i mu luku fosi efu den sani di den taki a tuu efuso e teli gi a ten fu u ya ete.

Koboloiki den sani di yu ondoosuku bun. Den sani di yu e taki fu wan tekisi mu holibaka gi den taa pisi fu Beibel efuso den buku fu a „saafu di u sa fitoow” (Mat. 24:45). Yu á mu daai den sani di sikiifi aini den buku fu koniman efuso taki sani di den sikiifiman á be abi a pakisei.

Meke den sama fusutan san i wani leli den. Baka te i leisi wan tekisi efuso te i taki fu wan sani di sikiifi aini wan buku, poti wantu akisi gi den sama efuso gi den ageisitoli fu yeepi den fu si san i wani leli den.