Koboloiki ageisitoli di makiliki fu fusutan. Yesesi be e gi ageisitoli fu sani di sama sabi. A be e koboloiki makiliki ageisitoli, fu leli sama sani di be e taanga gi den fu fusutan. U sa waka neen baka. Te yu e gi ageisitoli, ná taki finifini fu ala pikinpikin sani fu a ageisitoli. Den sani di yu e taki aini wan ageisitoli mu fiti den sani di i wani leli den sama, da den ná o buuya.

Holi den sama a pakisei. Suku ageisitoli di abi fu du anga a libi efuso den sani di den sama di e aliki i lobi. Ná koboloiki ageisitoli di o meke sama fii wan fasi efuso di o meke sama ati boon.

Poti pakisei a den pelensipali sani. A den pelensipali pisi fu a ageisitoli i mu poti pakisei, ná den pikinpikin sani. Du ala san i man fu den sama á membee a ageisitoli wawan, ma yeepi den fu den membee san i leli den anga a ageisitoli.