PENTI 9
Koboloiki sani di sama man si
Genesesi 15:5
SAN I MU DU: Koboloiki sani di sama man si fu meke a moo makiliki gi den fu fusutan anga fu membee san i leli den.
FA I SA DU A SANI YA:
-
Koboloiki sani di sama man si fu yeepi den fu fusutan a lezing moo bun. Koboloiki sani enke fowtow, kaita, faki anga taa sani di sama man si fu leli den pelensipali sani. Ná koboloiki den sani ya fu leli den pikinpikin sani di á de fanowdu. I mu holi a pakisei taki den á mu membee den sani di i koboloiki wawan, ma den mu membee san i leli den tu.
-
Den sama mu man si den sani di yu e koboloiki fu leli den. Efi yu o soi den sama wan fowtow, i mu solugu taki a bigi sai fu ala den man si en.
