Fosi i sutudeli anga a sama

1. 1. Seeka a fesi fosi i go na a sama. Te ye seeka, denki san a sama abi fanowdu. Pakisei san ai biibi, anga sai miti en. Luku sowtu toli sa taanga gi en fu fusutan, efuso sowtu pisi o taanga gi en fu a fiti aini en libi. Luku fa den sani aini a faki di den e kai ‘Moo sani fu a toli ya’ sa yeepi en. Efii sabi a fesi sowtu wan fu den toli a abi fanowdu, dai sa taki fi en te ye sutudeli anga en.

Te ye sutudeli anga a sama

1. 2. I sa bigin a sutudi anga wan begi, dai tapu anga begi tu efu a sama wani.

2. 3. Luku bun fii nai taki ipi tumisi, ma gi a sutudi a okasi fu taki fa ai denki. Ná taki fu sani di á de aini a pisi di we luku.

3. 4. Te wo bigin sutudeli wan nyun pisi, i sa leisi a sani di sikiifi na a pisi di den e kai ‘San yo leli’. I sa kai wantu toli di wo luku aini a pisi ape tu.

4. 5. Te u kaba anga wan pisi, da luku den akisi anga en di e taki fu wantu fu den toli di u luku aini a pisi de. Den akisi ya a fu yeepi a sutudi fu membee san a be leli.

5.  6. I mu du den sani ya te ye luku wan toli anga a sutudi:

   1. Leisi den paragraaf fu a fosi pisi.

   2. Leisi ala den tekisi di sikiifi ‘leisi’.

   3. Efii si enke a de fanowdu, i sa leisi taa tekisi di de aini a toli tu.

   4. Pee ala den felon pe sikiifi ‘Pee a FELON’ (efi yu abi den).

   5. Poti ala den akisi gi a sutudi.

   6. Meke a sutudi luku den fowtow na a pisi di den e kai ‘Luku a toli ya moo fini’, dai akisi en san a leli fu den.

   7. Wooko anga a faki di den e kai ‘Puubei a sani ya’ fu yeepi a sutudi fu go a fesi. I sa gi en taanga-sikin fu a puubei a sani di sikiifi aini a buku, efuso wan taa sani dii wani a puubei. Boiti dati, i sa meke a puubei tu sani, du fu a buku, anga wan taa sani dii wani a puubei.

   8. I sa akisi a sutudi sowtu wan fu den sani di de na a pisi di den e kai ‘Moo sani fu a toli ya’ a be lobi di a be e seeka enseefi.

   9. Meke moiti fu kaba a toli wan leisi anga en.

Baka a sutudi

1. 7. Tan pakisei a sutudi fii. Begi Yehofa fu a belesi a moiti di a sutudi e meke fu go a fesi. Begi en tu fu a yeepi i fu sabi fai sa yeepi en.