Fa Yesesi du a sani ya?

Saw sa leli fu Yesesi?

2. Te we gi leli a wan fasi di makiliki fu fusutan, da sama naw feegete san we leli den. Den sani di we leli den o doo den ati tu.

 Du sani enke Yesesi

3. Ná taki ipi tumisi. Te we luku wan toli, ya mu taki fu ala sani dii sabi fu a toli. Pe fii du a sani ya, a moo bun fu taki fu den sani di de aini a buku di we sutudeli. Tei poti wan akisi, wakiti te enke a sutudi piki. Efu aa sabi a piki, efuso a taki wan sani di nai kai anga san Beibel e leli, ya mu taigi en san na a piki. Pe fii du a sani ya, a moo bun fu poti taa akisi gi en di o yeepi en fu denki fu a toli. Solanga a sutudi fusutan den moo pelensipali sani fu a pisi di we luku, go doo anga a taa pisi.

4. Luku san a sutudi fii sabi kaba fu wan toli, dai leli en moo sani fu a toli de. Fai sa du a sani ya? Kow taki wo luku wan toli di e taki fu a weki di sama di dede o weki baka. Fosi u bigin anga a toli, i sa membee en wantu sani di a be leli kaba. I sa membee en satu sai pasa anga wan sama te a dede.

5. Gi bun ageisitoli. Fosi i gi wan ageisitoli, akisi iseefi taki:

1.    ‘A ageisitoli ya makiliki fu fusutan?’

2.   ‘A sutudi fu mi o fusutan en?’

3.   ‘Aw fusutan san mi wani leli en anga a ageisitoli, efuso na ageisitoli wawan aw poti pakisei?’