TEI MU BIGIN WAN TAKIMAKANDAA
TOLI 5
Taki a wan lesipeki fasi
Beibel e taki: ‘Taki switi anga taawan ala yuu.’—Kol. 4:6.
Fa Pawlesi du a sani ya?
1. Luku a FELON, efuso leisi Toli fu den apostel 17:22, 23. Bakadati luku den akisi ya:
-
Fa Pawlesi be e fii di a be si den falisi gadu di den sama fu Ateine be e dini?—Luku Toli fu den apostel 17:16.
-
Pe fu Pawlesi kuutu den sama ya, fa a koboloiki a biibi fu den fu paati a bun nyunsu gi den a wan lesipeki fasi?
Saw sa leli fu Pawlesi?
2. Sama o moo aliki u te we denki bun fosi u taki. U mu luku bun san wo taki anga on ten u mu taki.
Du sani enke Pawlesi
3. Denki bun fosi i taki. Efu a sama a ná wan Kelesten, i mu koboloiki taa wowtu te ye taki fu Yesesi anga a Beibel.
4. Ya mu e koti a sama mofu. Winsi a taki wan sani di nai kai anga san Beibel e taki, i mu aliki en te enke a kaba taki. Ya mu e sitee anga en (Yak. 1:19). Te ye aliki a sama, yo moo fusutan san ai biibi.—Odo 20:5.
5. Gafa a sama te a taki wan bun sani. Kande ai biibi taki a keliki fi en na a moo bun wan. Meke moiti fu taki fu wan sani di u tu man e biibi. Bakadati, puubei fu soi en san Beibel e leli.
LUKU DEN TEKISI YA TU
Odo 25:15; 2 Tim. 2:23-26; 1 Peit. 3:15
