TEI GO BAKA
TOLI 7
Ná gi abaa
Beibel e taki: ‘Den á be e meke sani tapu den fu paati a bun nyunsu.’—Toli 5:42.
Fa Pawlesi du a sani ya?
1. Luku a FELON, efuso leisi Toli fu den apostel 19:8-10. Bakadati luku den akisi ya:
Saw sa leli fu Pawlesi?
2. Te wan sama wani sabi moo u mu meke moiti fu go neen baka. U mu meke moiti tu fu bigin wan Beibelsutudi anga en.
Du sani enke Pawlesi
3. Meke moiti fu go na a yuu di moo bun gi a sama. Akisi iseefi taki: ‘A be o moo bun fu telefon a sama efuso go luku en a osu? Sowtu yuu o moo bun gi en?’ Meke moiti fu go na a yuu di a gii winsi aa makiliki.
4. Taki fiti anga a sama on ten yo go neen baka. Ala yuu tei kaba taki anga a sama i mu taki fiti anga en on dei anga on lati yo go baka. I mu holi iseefi na a mofu di yu anga a sama meke.
5. Ná gi abaa. A ná fu di i nai miti a sama a osu da dati wani taki aa wani aliki. Winsi a sama e abi sani fu du tei go neen toku ya mu gi abaa. I mu tan go neen (1 Kor. 13:4, 7). Winsi ye tan meke moiti fu miti a sama, toku ya mu lasi i ten tumisi efii si taki a sama á wani aliki.—1 Kor. 9:26.
