Fa Yesesi du a sani ya?

Saw sa leli fu Yesesi?

2. U mu abi pasensi anga den sama, bika a ná ala sama ná aseefi. Son sama e teke gaw, ma taawan abi moo ten fanowdu.

 Du sani enke Yesesi

3. Suku wan taa fasi fu peleiki gi a sama. Efu wan sama á wani sutudeli Beibel wantenwanten, ya mu dwengi en. Luku efii sa soi en wan felon efuso wan artikel di e soi fa we sutudeli Beibel anga sama. Soi en tu sowtu wini aw fende efu a sutudeli Beibel.

4. Ná maiki a sama anga taawan. A ná ala sama na aseefi. Efu wan famii fii efuso wan gobaka á wani sutudeli Beibel, dai mu meke moiti fu sabi saide aa wani sutudeli. A wan sani di ai leli a keliki a lobi? A den famii fi en efuso den sama di e tan koosube fi en ai feele? Gi en ten fu denki den sani dii taigi en. Kande bakaten a sa kon fusutan taki aw fende wini te a sutudeli Beibel.

5. Begi gi a sama. Begi Yehofa fu a yeepi i fu abi pasensi anga a sama. Begi en tu fu a yeepi i fu taki switi anga en. Boiti dati, efii si enke a sama á wani aliki, i mu begi Yehofa fu a yeepi i fu si efii mu tan go neen.​—1 Kor. 9:26.