AMOO HEI GADU na a Masaa fu hii goontapu anga hemel. Wi abi en fanowdu fu man tan a libi nownow anga aini a ten di e kon. A abi a makiti fu belesi sama anga fu sitaafu sama. Efu a fende u bun, da sani sa waka u bun. Ma efu a á fende u bun, da sani ná o go bun anga u. Neen ede meke a de taanga fanowdu taki a fasi fa wi e dini en, mu kai anga en!

A omen sowtu biibi de a goontapu. Efi i ben o teke den biibi ya gei anga wan pasi, da na ala den pasi ya sa tyai i go a Gadu? Nono, kwetikweti. Yesesi, a polofeiti fu Gadu, ben leli u taki a tu pasi namo de. A be taki: „A pasi di e tyai sama go dede, baala anga a bigi. A omen sama e waka na a pasi ya; ma a doo di e tyai sama go a tego libi, nyoni anga a pasi de sumaa, a wan tu sama namo e fende en.”​—Mateyesi 7:13, 14.

A tu sowtu biibi namo de: wan fu de e tyai sama go a libi, ma a taawan e tyai sama go kii. A buku ya o yeepi i fu fende a pasi di e tyai sama go a tego libi.