San na a moo bun fasi fu sutudeli den toli ya?
Meke wan sama yeepi i: I sa akisi a sama di gi yu a buku ya fu a luku en anga i, efuso i sa poti i nen a jw.org fu wan Yehofa Kotoigi sutudeli anga i.
A FOSI PISI
Leisi den paragraaf, den akisi di sikiifi anga fatu letter (A) anga den Beibeltekisi (B). Den Beibeltekisi e soi san a den moo pelensipali sani aini a paragraaf. A sama di e sutudeli anga i, o leisi den tekisi anga i pe sikiifi ‘leisi’.
A MINDII PISI
A sani di sikiifi (C) a ondoo fu a pisi di den e kai Luku a toli ya moo fini, e soi san wo luku na a pisi ya. Den (D) penti di sikiifi anga fatu letter e soi den pelensipali sani di wo luku na a pisi ya. Leisi den tekisi, piki den akisi, luku den felon tu (E).
Luku den fowtow anga den sani di sikiifi a den fowtow (F). Luku sai be o taki na a pisi di den e kai, Son sama e taki (G).
A LASITI PISI
Den pisi di den e kai Sai leli? anga Sai be o piki? e yeepi i fu membee sai leli aini wan toli. (H) Sikiifi a dei di i kaba luku wan toli. A pisi di den e kai Puubei a sani ya (I) e soi sai sa du. A pisi di den e kai Moo sani fu a toli ya (J) e soi wantu sani di i sa luku efuso leisi.
Fai sa fende den tekisi aini i Beibel?
A fosi sani di yo si, na a nen fu a Beibel buku (A), baka dati a kapitel (B), da a vers efuso den vers (C). Meke u taki i mu leisi Yohanisi 17:3. Dati wani taki i mu suku a Beibel buku Yohanisi, kapitel 17, vers 3.
