TOLI 04
Sama a Gadu?
Senten di libisama de, neen den e dini omen sowtu gadu. Ma Beibel e taki fu ‘wan Gadu di bigi moo ala den taa gadu’ (2 Koloniki 2:5). Sama na a Gadu ya? Saide a bigi moo ala den taa gadu di sama e dini? Di yo luku a toli ya, yo kon sabi a Gadu ya moo bun.
1. Fa den e kai Gadu nen? Faw du sabi taki a wani u sabi a nen fi en?
Gadu seefi taigi wi aini Beibel sama neen. A taki: ‘Mi a Yehofa. A dati a mi nen.’ (Leisi Yesaya 42:5, 8.) A omen ondoosukuman taki a nen Yehofa aini Hebrewtongo wani taki: ‘Ai meke sani kon de.’ Yehofa wani u sabi a nen fi en (Ekisodesi 3:15). Faw du sabi a sani ya? A moo enke 7000 leisi a nen fi en sikiifi aini Beibel. a A nen fu ‘a tuu Gadu fu hemel anga goontapu, a Yehofa’.—Deitolonomi 4:39.
2. San Beibel e leli u fu Yehofa?
Beibel taki fu ala den gadu di sama e dini, a Yehofa wawan too na a tuu Gadu. Saide? Neen na ‘a Moo Gaan Gadu fu hii goontapu’. (Leisi Psalm 83:18.) Neen na ‘a Moo Taanga Gadu’. A poi du ala san a wani. Neen ‘meke ala sani a hemel anga goontapu’ (Openbaring 4:8, 11). A Yehofa na a wan kodo Sama di naabi bigin, a naabi kaba tu.—Psalm 90:2.
LUKU A TOLI YA MOO FINI
A omen sowtu fasi sama e kai Gadu, ma toku a abi en nen. Luku fa Gadu soi u san neen nen anga saide a wani u sabi a nen fi en.
3. A omen fasi sama e kai Gadu, ma a abi en tuutuu nen
A omen fasi i sa kai wan sama, ma tokuso a sama abi en nen. Pee a FELON, da i luku efii poi piki a akisi ya.
-
Saide a wowtu ‘Masaa’ a ná wan nen?
Beibel taki a omen sowtu a sowtu gadu anga masaa sama e dini. Leisi Psalm 136:1-3, da i luku efii poi piki a akisi ya:
-
Sama na a ‘Gadu fu den gadu’ anga a ‘Masaa fu den masaa’?
4. Yehofa wani i sabi en nen. A wani i kai en nen tu
Faw du sabi taki Yehofa wani u sabi en nen? Pee a FELON, da i luku efii poi piki den akisi ya.
-
I si enke Yehofa wani i sabi en nen? Saide i taki so?
Yehofa wani sama kai a nen fi en. Leisi Romesama 10:13, da i luku efii poi piki den akisi ya:
-
Saide u mu e kai a nen fu Yehofa?
-
Fa ye fii te sama e kai yu ai nen?
-
Fai si enke Yehofa e fii te yu e kai a nen fi en?
5. Yehofa wani i toon en mati
Wan uman fu Kambodya di den e kai Soten taki ná pikin poolo a poolo di a kon sabi a nen fu Gadu. Pee a FELON, da i luku efii poi piki a akisi ya.
-
Enke fa a felon e soi, da sowtu wini Soten fende di a kon sabi Gadu nen?
Efii wani toon mati anga wan sama, i mu sabi en nen. Leisi Yakowbesi 4:8a, da i luku efii poi piki den akisi ya:
-
San Yehofa wani i du?
-
Fa a kai di yo kai a nen fu Gadu o yeepi i fu kon koosube neen?
SON SAMA E TAKI: ‘A wan Gadu namo de, neen meke a naabi toobi sowtu nen ye kai en.’
-
Ye biibi taki Gadu nen a Yehofa?
-
Fai be o yeepi wan sama fu fusutan taki Gadu wani u kai en nen?
SAI LELI?
A nen fu a tuu Gadu, a Yehofa. A wani u sabi a nen fi en. A wani u kai en nen tu. A sani ya o yeepi u fu toon en mati.
Sai be o piki?
-
Saide Yehofa á de enke den taa gadu di sama e dini?
-
Saide u mu e kai Gadu nen?
-
Sai soi taki Yehofa wani i toon en mati?
MOO SANI FU A TOLI YA
Luku feifi sani di e soi saide u sa biibi taki Gadu de tuutuu.
Luku saide u sa biibi taki Gadu naabi wan bigin.
‘Sama meke Gadu?’ (A Saanantongo Wakititolen fu 1 augustus 2014)
Luku saide a pelensipali fu kai a nen fu Gadu, winsi wa sabi pilisisi fa den sama fu fositen be e kai en.
A abi toobi fa we kai Gadu? Luku faw du sabi taki a wan nen namo a abi.
a Efii wani sabi moo fu Gadu nen, efuso saide sama puu en aini son Beibel, luku penti 1 aini a buku di den e kai Studeri Gado Wortu moro fini.
